അദ്ദിക്ർ

സര്‍വ്വലോകനാഥനില്‍ നിന്നുള്ള സത്യമായ അദ്ദിക്റും കൊണ്ട് അന്ത്യപ്രവാചകനെ നിയോഗിച്ചിട്ടുള്ളത് മൊത്തം മനുഷ്യരിലേക്കാണ്. അതുകൊണ്ട് 2: 30 ല്‍ വിവരിച്ച പ്രകാരം വിശ്വാസിയായ നാഥന്‍റെ പ്രാതിനിധ്യം വഹിക്കലാണ് മനുഷ്യര്‍ക്ക് ഉത്തമമായിട്ടുള്ളത്. നിങ്ങള്‍ കാഫിറുകളാവുകയാണെങ്കില്‍ ആകാശഭൂമികളില്‍ മനുഷ്യരടക്കമുള്ള മുഴുവന്‍ വസ്തുക്കളുടെയും ഉടമ അല്ലാഹുവാണ്. അവന്‍ ലോകരെത്തൊട്ട് ഐശ്വര്യവാനായിരിക്കെ അവന്‍റെ പ്രതാപത്തിനോ പ്രൗഢിക്കോ ഒരു ദോഷവും സംഭവിക്കുകയില്ല എന്നാണ് പറയുന്നത്. 4: 133 ല്‍ വിവരിച്ച പ്രകാരം ത്രികാലജ്ഞാനിയായ പ്രപഞ്ചനാഥന്‍ ഉദ്ദേശിക്കുകയാണെങ്കില്‍ കാഫിറുകളായ മനുഷ്യരെ മാറ്റി വിശ്വാസികളായ മനുഷ്യരെ കൊണ്ടുവരുന്നതാണ്. ഓ മനുഷ്യരേ! നിങ്ങള്‍ക്ക് നിങ്ങളുടെ നാഥനില്‍ നിന്നുള്ള ഉപദേശം -അദ്ദിക്ര്‍- വന്നുകിട്ടി, അത് നിങ്ങളുടെ നെഞ്ചുകളിലുള്ള എല്ലാ സംശയങ്ങള്‍ക്കും നിവാരണമാണ് എന്ന് 10: 57 ല്‍ പറഞ്ഞിട്ടുണ്ട്. എന്നാല്‍ അതിനെ കാരുണ്യവും സന്മാര്‍ഗവുമായി ഉപയോഗപ്പെടുത്തുക വിശ്വാസികള്‍ മാത്രമാണ്. ഇന്ന് ലോകരില്‍ ഇത്തരം സൂക്തങ്ങളെല്ലാം വായിക്കുന്ന ഫുജ്ജാറുകള്‍ അദ്ദിക്റിന്‍റെ 40 പേരുകളും മൂടിവെച്ച് പിശാചിനെ സേവിക്കുന്നവരും 2: 168-169 സൂക്തങ്ങളില്‍ വിവരിച്ച പ്രകാരം പിശാചിന്‍റെ കാല്‍പ്പാടുകള്‍ പിന്‍പറ്റിക്കൊണ്ടിരിക്കുന്നവരുമാണ്. അവര്‍ വായിച്ച, കേട്ട, തൊട്ട ഗ്രന്ഥം അവര്‍ക്കെതിരായി വാദിച്ചുകൊണ്ടും സാക്ഷി നിന്നുകൊണ്ടും അവരെ നരകക്കുണ്ഠത്തിലേക്ക് തള്ളിവിടുകയാണ് ചെയ്യുക. 2: 119, 147-148; 6: 131-133; 7: 157-158 വിശദീകരണം നോക്കുക.