إِنْ تَجْتَنِبُوا كَبَائِرَ مَا تُنْهَوْنَ عَنْهُ نُكَفِّرْ عَنْكُمْ سَيِّئَاتِكُمْ وَنُدْخِلْكُمْ مُدْخَلًا كَرِيمًا
നിങ്ങളുടെമേല്‍ വിരോധിക്കപ്പെട്ടിട്ടുള്ള വന്‍കുറ്റങ്ങള്‍ നിങ്ങള്‍ വര്‍ജ്ജിക്കുകയാണെങ്കില്‍ നിങ്ങളെത്തൊട്ട് നിങ്ങളുടെ തിന്മകള്‍ നാം മായ്ച്ചുകളയുകയും, നിങ്ങളെ മാന്യമായ ഒരു പ്രവേശനത്തിലേക്ക് നാം പ്രവേശിപ്പിക്കുകയും ചെയ്യുന്നതാണ്.
അല്ലാഹുവിന്‍റെ അധികാരാവകാശങ്ങളില്‍ പങ്കുചേര്‍ക്കുക, ആഭിചാര പ്രവര്‍ത്തനങ്ങളില്‍ ഏര്‍പ്പെടുക, അല്ലാഹു പവിത്രമാക്കിയ ഒരു ആത്മാവിനെ അന്യായമായി വധിക്കുക, പലിശ തിന്നുക, അനാഥകളുടെ ധനം തിന്നുക, യുദ്ധമുഖത്തുനിന്ന് പിന്തിരിഞ്ഞോടുക, പതിവ്രതകളായ നിഷ്കളങ്കരായ വിശ്വാസിനികളുടെമേല്‍ അപവാദം പറയുക തുടങ്ങിയവയാണ് ഏഴ് വന്‍കുറ്റങ്ങളെന്നും നിങ്ങള്‍ അവയെ വര്‍ജ്ജിക്കണമെന്നും നാഥന്‍ പ്രവാചക നിലൂടെ പഠിപ്പിച്ചിട്ടുണ്ട്. 25: 68 ല്‍, നിഷ്പക്ഷവാനായ നാഥന്‍റെ ഇഷ്ടദാസന്‍മാര്‍ അല്ലാഹു വിനോടൊപ്പം മറ്റൊരു ഇലാഹിനെയും വിളിച്ച് പ്രാര്‍ത്ഥിക്കുകയില്ല, ന്യായം കൂടാതെ അല്ലാഹു പവിത്രമാക്കിയ ഒരു ആത്മാവിനെയും വധിക്കുകയില്ല, വ്യഭിചരിക്കുകയുമില്ല എന്നും ഈ മൂന്ന് വന്‍കുറ്റങ്ങള്‍ ആരെങ്കിലും പ്രവര്‍ത്തിച്ചാല്‍ അവന് കുറ്റവാളിയായി ന രകത്തില്‍ ആപതിക്കുമെന്നും പറഞ്ഞിട്ടുണ്ട്. 25: 69 ല്‍, അന്ത്യനാളില്‍ അവന് ശിക്ഷ ഇരട്ടിപ്പിച്ച് കൊടുക്കുന്നതും ഹീനമായ ശിക്ഷ ആസ്വദിച്ചുകൊണ്ട് അവന് അതില്‍ ശാശ്വതമായി കഴിഞ്ഞുകൂടുമെന്നും; 25: 70 ല്‍, പശ്ചാത്തപിച്ച് മടങ്ങുകയും വിശ്വാസം രൂപപ്പെ ടുത്തുകയും സല്‍കര്‍മ്മങ്ങള്‍ പ്രവര്‍ത്തിക്കുകയും ചെയ്തവര്‍ക്ക് അവരുടെ തിന്മകളെ നന്മകളാക്കി മാറ്റിക്കൊടുക്കുന്നതാണ് എന്നും പറഞ്ഞിട്ടുണ്ട്.
ഇന്ന് 25: 33 ല്‍ പറഞ്ഞ നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീ കരണമായ അദ്ദിക്ര്‍ ഒരു ഗ്രന്ഥമായി രൂപപ്പെട്ടിരിക്കെ അതിനെ മുറുകെപ്പിടിച്ചവന്‍ നാഥനെ മുറുകെപ്പിടിച്ച് നേരെച്ചൊവ്വെയുള്ള പാതയിലായിക്കഴിഞ്ഞു എന്ന് 2: 256; 3: 101-102; 4: 175; 5: 48 സൂക്തങ്ങളില്‍ പറഞ്ഞിട്ടുണ്ട്. ഇന്ന് വിശ്വാസികളോട് 7: 205-206; 22: 77-78 സൂ ക്തങ്ങളില്‍ വിവരിച്ച പ്രകാരം പ്രഭാത പ്രദോഷങ്ങളില്‍ അദ്ദിക്ര്‍ ആത്മാവ് പങ്കെടുത്തുകൊണ്ട് വായിച്ച് മനസ്സിലാക്കാനും നാഥനെ വാഴ്ത്തിക്കൊണ്ടും പരിശുദ്ധപ്പെടുത്തിക്കൊണ്ടും ഗ്രന്ഥത്തില്‍ 15 സ്ഥലങ്ങളില്‍ വന്നിട്ടുള്ള തിലാവത്തിന്‍റെ സാഷ്ടാംഗ പ്രണാ മം നടത്താനും മനുഷ്യരുടെ ഐക്യം രൂപപ്പെടുത്തുക എന്ന ലക്ഷ്യം വെച്ച് അദ്ദിക്ര്‍ ലോകര്‍ക്ക് എത്തിച്ചുകൊടുത്തുകൊണ്ട് 47: 7 ല്‍ പറഞ്ഞപ്രകാരം പ്രപഞ്ചനാഥനെ സ ഹായിക്കാനും 1000 സമുദായങ്ങളില്‍ പെട്ട ജീവികള്‍ക്കെല്ലാം ഗുണപ്രദമാകുന്ന വിധത്തില്‍ ജൈവകൃഷി ചെയ്യാനും ഫലവൃക്ഷങ്ങള്‍ വെച്ചുപിടിപ്പിക്കാനും അതിന് മറ്റുള്ളവരെ സഹായിക്കാനും പ്രേരിപ്പിക്കാനുമാണ് കല്‍പിച്ചിട്ടുള്ളത്. കൂടാതെ ത്രികാലജ്ഞാനിയായ നാ ഥന്‍റെ ത്രികാലജ്ഞാന ഗ്രന്ഥമായ അദ്ദിക്ര്‍ ലോകര്‍ക്ക് എത്തിച്ചുകൊടുക്കുന്നതിന് തട സ്സം സൃഷ്ടിക്കുകയും അതിനെ മൂടിവെക്കുകയും വളച്ചൊടിക്കുകയും ചെയ്യുന്ന, നാഥ ന്‍റെ ശാപത്തിനും കോപത്തിനും വിധേയരായ കപടവിശ്വാസികളോടും കുഫ്ഫാറുകളോടും 9: 73; 25: 52; 66: 9 സൂക്തങ്ങളുടെ കല്‍പന അനുസരിച്ച് അദ്ദിക്ര്‍ കൊണ്ട് അധികരിച്ച ജിഹാദ് നടത്തുകയും വേണം. 4: 14; 8: 2-4; 9: 72-73 വിശദീകരണം നോക്കുക.