അദ്ദിക്ർ

ജീവിതലക്ഷ്യം മനസ്സിലാക്കിയ വിശ്വാസികള്‍ അവര്‍ വന്നപ്പോള്‍ കൊണ്ടുവരാത്ത തും പോകുമ്പോള്‍ കൊണ്ടുപോകാത്തതുമായ എല്ലാ അനുഗ്രഹങ്ങളും പ്രകാശ ഗ്രന്ഥമായ അദ്ദിക്റിന്‍റെ വെളിച്ചത്തില്‍ ഉപയോഗപ്പെടുത്തി നാലാം ഘട്ടമായ ഐഹികലോകത്ത് വെച്ച് ഏഴാം ഘട്ടത്തിലേക്ക് വേണ്ട സ്വര്‍ഗ്ഗം പണിയുന്നതാണ്. അങ്ങനെ മരണത്തോടുകൂടി പണിത സ്വര്‍ഗ്ഗത്തിലേക്ക് സ്രഷ്ടാവ് അവരെത്തൊട്ടും അവര്‍ സ്രഷ്ടാവിനെത്തൊട്ടും തൃപ്തിപ്പെട്ടുകൊണ്ട് തിരിച്ചുപോകുന്നതുമാണ്. അവര്‍ സ്വര്‍ഗം അല്ലെങ്കില്‍ നരകം ഓരോ ആത്മാവും ഇവിടെവെച്ച് സമ്പാദിക്കുന്നതാണ് എന്ന ഉത്തമ ബോധ്യമുള്ളവരാണ്. ജീവിതലക്ഷ്യം ഉണര്‍ത്തുന്ന അദ്ദിക്റിനെ അവഗണിക്കുകവഴി കാഫിറുകളുടെ പ്രവര്‍ത്തന ങ്ങളെല്ലാം തന്നെ പരലോകത്ത് അവര്‍ക്ക് നഷ്ടമായിരിക്കുമെന്ന് 2: 186; 7: 8-9; 18: 103-106; 40: 50; 47: 9 തുടങ്ങിയ സൂക്തങ്ങളിലെല്ലാം മുന്നറിയിപ്പ് നല്‍കിയിട്ടുണ്ട്. 2: 271, 286; 3: 136 വിശദീകരണം നോക്കുക.