حَتَّىٰ إِذَا مَا جَاءُوهَا شَهِدَ عَلَيْهِمْ سَمْعُهُمْ وَأَبْصَارُهُمْ وَجُلُودُهُمْ بِمَا كَانُوا يَعْمَلُونَ
അങ്ങനെ അവര്‍ അതിന്‍റെ അടുത്ത് എത്തിക്കഴിഞ്ഞാല്‍ അവരുടെ മേല്‍ അവ രുടെ കേള്‍വികളും അവരുടെ കാഴ്ചകളും അവരുടെ തൊലികളും അവര്‍ എന്താണ് പ്രവര്‍ത്തിച്ചുകൊണ്ടിരുന്നതെന്ന് സാക്ഷ്യം വഹിക്കുന്നതാണ്.
ഇന്ന് ലോകരില്‍ ഇത്തരം സൂക്തങ്ങളെല്ലാം വായിക്കുന്ന, 1: 7 ല്‍ പറഞ്ഞ അല്ലാഹുവിന്‍റെ കോപത്തിന് വിധേയരായ കപടവിശ്വാസികളും അവരുടെ അനുയായികളും തന്നെയാണ് അവരുടെ കേള്‍വി, കാഴ്ച, തൊലി തുടങ്ങിയവയെല്ലാം അവര്‍ക്കെതിരെ സാക്ഷ്യം വഹിക്കുമെന്ന ബോധമില്ലാതെ സ്വവര്‍ഗരതി, വ്യഭിചാരം കളവുപറയല്‍, കൊള്ള, കവര്‍ച്ച, കൊലപാതകം, അളവുതൂക്കത്തില്‍ കൃത്രിമം കാണിക്കല്‍, കള്ള സാക്ഷ്യം വഹിക്കല്‍ തുടങ്ങിയ പൈശാചിക പ്രവര്‍ത്തനങ്ങളില്‍ മുഴുകിയിട്ടുള്ളത്. അതിന് കാരണം 16: 89 ല്‍ പറഞ്ഞ എല്ലാ ഓരോ കാര്യവും വിശദീകരിച്ചിട്ടുള്ള അദ്ദി ക്റിനെ സന്മാര്‍ഗവും കാരുണ്യവും ശുഭവാര്‍ത്താദായകവുമായി ഉപയോഗപ്പെടുത്താ ത്തതാണ്. 17: 13-14, 36; 24: 24; 36: 65 വിശദീകരണം നോക്കുക.