അദ്ദിക്ർ

മദീനയിലുണ്ടായിരുന്ന ജൂതരില്‍ ഒരു വിഭാഗം പ്രവാചകനെയും ശിഷ്യന്‍മാരെയും വിരുന്നിന് ക്ഷണിച്ച് അവരെ വധിക്കാനും അങ്ങനെ ഇസ്ലാമിനെ ഇല്ലാതാക്കാനും വേ ണ്ടി ഗൂഢതന്ത്രം മെനയുകയുണ്ടായി. എന്നാല്‍ എല്ലാം പതിയിരുന്ന് വീക്ഷിക്കുന്ന ത്രികാലജ്ഞാനിയായ നാഥന്‍ അക്കാര്യം തക്കസമയത്ത് പ്രവാചകന് അറിയിച്ചുകൊടുത്തതിനാല്‍ പ്രവാചകന്‍ ആ വിരുന്നില്‍ പങ്കെടുത്തില്ല. അങ്ങനെ ആ പദ്ധതി നടപ്പിലായതുമില്ല. അതേപോലെ 9: 74 ല്‍ പറഞ്ഞപ്രകാരം തബൂക്ക് യുദ്ധത്തിനുവേണ്ടി പോയ കപടവിശ്വാസികളില്‍ ഒരുവിഭാഗം തിരിച്ചുവരുമ്പോള്‍ മലമ്പാതയിലൂടെ സഞ്ചരിക്കുകയായിരുന്ന പ്രവാചകനെ കൊക്കയിലേക്ക് തള്ളിയിട്ട് വധിക്കാന്‍ ഒരു ഉദ്യമം നടത്തുകയുണ്ടായി, എന്നാല്‍ അതും അവര്‍ക്ക് നടപ്പിലാക്കാന്‍ സാധിച്ചില്ല.

1: 7 ല്‍ വിവരിച്ച പ്രകാരം ഇന്ന് അദ്ദിക്റിനെ തള്ളിപ്പറഞ്ഞ് പിശാചിനെ സേവിച്ചുകൊണ്ടിരിക്കുന്ന ഭ്രാന്തന്മാരായ കപടവിശ്വാസികളാണ് അദ്ദിക്റിനെ സത്യപ്പെടുത്തി ജീവിക്കുന്ന വിശ്വാസിയുടെ ശത്രുക്കള്‍. ഇന്ന് 5: 48 ല്‍ വിവരിച്ച പ്രകാരം എല്ലാവിധ ആ പത്തുവിപത്തുകളെത്തൊട്ടും നരകക്കുണ്ഠത്തെത്തൊട്ടും രോഗങ്ങളെത്തൊട്ടും കാത്തുസൂക്ഷിക്കുന്ന പരിചയും മുഹൈമിനുമായ അദ്ദിക്ര്‍ ഒരു ഗ്രന്ഥമായി രൂപപ്പെട്ടിരിക്കെ, വിശ്വാസി അതുകൊണ്ട് കുഫ്ഫാറുകളോടും കപടവിശ്വാസികളോടും അധികരിച്ച ജിഹാദ് ചെയ്യാനാണ് കല്‍പിക്കപ്പെട്ടിട്ടുള്ളത്. അദ്ദിക്റിനെ മുറുകെപ്പിടിച്ചാല്‍, നാഥനെ മുറുകെപ്പിടിച്ച് നേരെച്ചൊവ്വെയുള്ള പാതയിലായിക്കഴിഞ്ഞു എന്ന് 3: 101-102 ല്‍ പറഞ്ഞിട്ടുണ്ട്. 2: 62, 256-257; 3: 123, 160; 9: 51 വിശദീകരണം നോക്കുക.