يَسْأَلُونَكَ مَاذَا أُحِلَّ لَهُمْ ۖ قُلْ أُحِلَّ لَكُمُ الطَّيِّبَاتُ ۙ وَمَا عَلَّمْتُمْ مِنَ الْجَوَارِحِ مُكَلِّبِينَ تُعَلِّمُونَهُنَّ مِمَّا عَلَّمَكُمُ اللَّهُ ۖ فَكُلُوا مِمَّا أَمْسَكْنَ عَلَيْكُمْ وَاذْكُرُوا اسْمَ اللَّهِ عَلَيْهِ ۖ وَاتَّقُوا اللَّهَ ۚ إِنَّ اللَّهَ سَرِيعُ الْحِسَابِ
തങ്ങള്‍ക്ക് അനുവദിക്കപ്പെട്ടിട്ടുള്ളത് എന്തൊന്നാണെന്ന് അവര്‍ നിന്നോട് ചോ ദിക്കുന്നു, നീ പറയുക: പരിശുദ്ധമായ വസ്തുക്കളെല്ലാം നിങ്ങള്‍ക്ക് അനുവദിക്കപ്പെട്ടിരിക്കുന്നു, അല്ലാഹു നിങ്ങളെ പഠിപ്പിച്ചിട്ടുള്ള അറിവില്‍ നിന്ന് നിങ്ങള്‍ പരിശീലിപ്പിച്ച വേട്ടമൃഗങ്ങള്‍ പിടിച്ചുതരുന്നതും, അപ്പോള്‍ അവ നിങ്ങളുടെ മേല്‍ പിടിച്ചുകൊണ്ട് വരുന്നതില്‍ നിന്ന് നിങ്ങള്‍ ഭക്ഷിച്ചുകൊള്ളുക, അതിന്‍റെ മേല്‍ നിങ്ങള്‍ അല്ലാഹുവിന്‍റെ നാമം സ്മരിക്കുകയും ചെയ്യുക, നിങ്ങള്‍ അല്ലാഹുവിനെ സൂക്ഷിക്കുകയും ചെയ്യുക, നിശ്ചയം അല്ലാഹു വേഗത്തില്‍ വിചാരണ നടത്തുന്നവന്‍ തന്നെയാണ്.
ഈ സൂക്തങ്ങളെല്ലാം വിശ്വാസികളുടെ സംഘത്തെയാണ് അഭിസംബോധന ചെ യ്യുന്നത്. എന്നാല്‍ ഇന്ന് ലോകത്തെവിടെയും വിശ്വാസികളുടെ സംഘമില്ല. ഇത്തരം സൂ ക്തങ്ങളെല്ലാം അറബി ഖുര്‍ആനില്‍ വായിക്കുന്ന ഫുജ്ജാറുകള്‍ സത്യമായ അദ്ദിക്ര്‍ ഇ ല്ലാതെ വിശ്വാസികളാണെന്ന് അഹങ്കരിക്കുന്നവരാണ്. ലോകത്തെല്ലായിടത്തുമുള്ള ഫു ജ്ജാറുകളായ ഭ്രാന്തന്മാര്‍ വിവിധ സംഘടനകളായി പിരിഞ്ഞ് 4: 150-151; 30: 30-31 സൂ ക്തങ്ങളില്‍ പറഞ്ഞ പ്രകാരം യഥാര്‍ത്ഥ കാഫിറുകളും മുശ്രിക്കുകളുമാണ്. അവരാണ് ലോകത്തെല്ലായിടത്തും അറവ് നടത്തുന്നതിലും അറവുശാലകള്‍ കൊണ്ടുനടക്കുന്ന തിലും മുന്‍പന്തിയിലുള്ളത്. കാരണം അവര്‍ അറുക്കുന്ന ജീവികളുടെ മാംസം മാത്രമേ ഭക്ഷിക്കല്‍ അനുവദനീയമാവുകയുള്ളൂ എന്നുള്ള തെറ്റായ ധാരണ പ്രചാരത്തിലുണ്ട്. എ ന്നാല്‍ ആത്മാവില്ലാതെ ശരീരത്തിന് പ്രാധാന്യം കൊടുക്കുന്ന ഈ ജനത എല്ലാ ജീവികള്‍ ക്കും ആത്മാവ് ഉണ്ടെന്നും അതാകട്ടെ, നാഥനില്‍ നിന്നുള്ളത് തന്നെയാണെന്നുമുള്ള വ സ്തുത അംഗീകരിക്കാത്തവരാണ്. അതുകൊണ്ടുതന്നെ ജീവികളെ അറുക്കുമ്പോള്‍ അവര്‍ "അല്ലാഹുവിന്‍റെ നാമം കൊണ്ട്" എന്ന് നാവുകൊണ്ട് പറയുന്നുണ്ടെങ്കിലും അവരുടെ ഹൃദയം കൊണ്ട് ആ ജീവിയുടെ മേല്‍ അല്ലാഹുവിന്‍റെ നാമം സ്മരിക്കുന്നില്ല. ഒരു ജീവി യെ അറുക്കുമ്പോള്‍ "ഇത് നിന്നില്‍ നിന്നുള്ളതാണ്, ഇത് നിന്നിലേക്കുതന്നെ ഉള്ളതു മാണ്" എന്ന് ആത്മാവുകൊണ്ട് സ്മരിക്കണമെന്ന് പ്രപഞ്ചനാഥന്‍ അവന്‍റെ പ്രവാചകനിലൂ ടെ പഠിപ്പിച്ചിട്ടുണ്ട്. അതുകൊണ്ടുതന്നെ പ്രസ്തുത സ്മരണ ഇല്ലാതെ ഫുജ്ജാറുകളായ കാഫിറുകള്‍ അറുക്കുന്ന ജീവികളുടെ മാംസം ഭക്ഷിക്കല്‍ വിശ്വാസിക്ക് അനുയോജ്യമല്ല. എന്നാലും ഏതൊരാള്‍ അറുത്ത് രക്തം ഒഴുക്കിക്കളഞ്ഞ ഭക്ഷ്യയോഗ്യമായ ജീവികളുടെ മാംസവും ഈ സൂക്തത്തിന്‍റെ മൗഇളത്ത്-സമാനമായ ഉപമ-പരിഗണിച്ച് ആത്മാവുകൊ ണ്ട് "ഇത് നിന്നില്‍ നിന്നുള്ളതാണ്, ഇത് നിന്നിലേക്ക് തന്നെയുള്ളതുമാണ്" എന്ന് സ്മ രിച്ച് വിശ്വാസിക്ക് ഭക്ഷിക്കാവുന്നതാണ്. കാരണം വിശ്വാസി 3: 190-191 ല്‍ പറഞ്ഞ പ്രകാ രം എല്ലാ നടത്തങ്ങളിലും ഇരുത്തങ്ങളിലും കിടപ്പുകളിലും നാഥനെ സ്മരിച്ച് നിലകൊ ള്ളുന്നവനാണ്.
വിശ്വാസികളുടെ സംഘമില്ലാത്ത ഇക്കാലത്ത് ഒറ്റപ്പെട്ട വിശ്വാസിയോട് 7: 205-206; 22: 77-78 സൂക്തങ്ങളില്‍ വിവരിച്ച പ്രകാരം പ്രഭാത പ്രദോഷങ്ങളില്‍ അദ്ദിക്ര്‍ ആത്മാവ് പങ്കെടുത്ത് വായിച്ച് മനസ്സിലാക്കാനും നാഥനെ വാഴ്ത്തിക്കൊണ്ടും പരിശുദ്ധപ്പെടു ത്തിക്കൊണ്ടും ഗ്രന്ഥത്തില്‍ 15 സ്ഥലങ്ങളില്‍ വന്നിട്ടുള്ള തിലാവത്തിന്‍റെ സാഷ്ടാംഗ പ്രണാമം നടത്താനും മനുഷ്യരുടെ ഐക്യം രൂപപ്പെടുത്തുക എന്ന ലക്ഷ്യം വെച്ച് അദ്ദിക്ര്‍ ലോകരില്‍ എത്തിച്ചുകൊടുത്തുകൊണ്ട് 47: 7 ല്‍ പറഞ്ഞ പ്രകാരം പ്രപഞ്ചനാഥനെ സ ഹായിക്കാനും 1000 സമുദായങ്ങളില്‍ പെട്ട ജീവികള്‍ക്കെല്ലാം ഗുണപ്രദമാകുന്ന വിധത്തില്‍ ജൈവകൃഷി ചെയ്യാനും ഫലവൃക്ഷങ്ങള്‍ വെച്ചുപിടിപ്പിക്കാനും അതിന് മറ്റുള്ളവരെ സഹായിക്കാനും പ്രേരിപ്പിക്കാനുമാണ് കല്‍പിച്ചിട്ടുള്ളത്. കൂടാതെ ത്രികാലജ്ഞാനിയായ നാ ഥന്‍റെ ത്രികാലജ്ഞാന ഗ്രന്ഥമായ അദ്ദിക്ര്‍ ലോകരില്‍ എത്തിച്ചുകൊടുക്കുന്നതിന് തടസ്സം സൃഷ്ടിക്കുകയും അതിനെ മൂടിവെക്കുകയും വളച്ചൊടിക്കുകയും ചെയ്യുന്ന, നാഥന്‍റെ ശാപത്തിനും കോപത്തിനും വിധേയരായ കപടവിശ്വാസികളോടും കുഫ്ഫാറുകളോടും 9: 73; 25: 52; 66: 9 സൂക്തങ്ങളുടെ കല്‍പന അനുസരിച്ച് അദ്ദിക്ര്‍ കൊണ്ട് അധികരിച്ച ജി ഹാദ് നടത്തുകയും വേണം. 3: 138; 4: 27-28, 160 വിശദീകരണം നോക്കുക.