അദ്ദിക്ർ

ഇസ്റാഈല്‍ സന്തതികളിലേക്കാണ് ഈസായെ പ്രവാചകനായി നിയോഗിച്ചിട്ടുള്ളത് എന്ന് 3: 49 ല്‍ പറഞ്ഞിട്ടുണ്ട്. ഈസാ തന്‍റെ മുമ്പിലുള്ള തൗറാത്തിനെ സത്യപ്പെടുത്തുന്നവനായിരുന്നു. തൗറാത്തിനെപ്പോലെത്തന്നെ സന്മാര്‍ഗ്ഗവും പ്രകാശവുമായ ഇഞ്ചീല്‍ ഈസാക്ക് നല്‍കുകയുമുണ്ടായി. അതും സൂക്ഷ്മാലുക്കള്‍ക്ക് സദുപദേശവും സന്മാര്‍ഗ്ഗവുമാണ്. 15: 9 ല്‍ പറഞ്ഞ പ്രകാരം നാഥന്‍ തന്നെ സൂക്ഷിപ്പ് ഏറ്റെടുത്തതും, 41: 41-42 സൂക്തങ്ങളില്‍ പറഞ്ഞ പ്രകാരം പ്രവാചകനായ മുഹമ്മദിന് അവതരിപ്പിക്കപ്പെട്ട അജയ്യഗ്രന്ഥവുമായ അദ്ദിക്റാണ് മുഹമ്മദ് പ്രവാചകനായി നിയോഗിക്കപ്പെട്ടത് മുതല്‍ അന്ത്യനാള്‍ വരെയുള്ള മുഴുവന്‍ മനുഷ്യര്‍ക്കുമുള്ള സദുപദേശവും കാരുണ്യവുമായ ഗ്രന്ഥം. 4: 1 ല്‍ വിവരിച്ച പ്രകാരം വിശ്വാസികള്‍ മാത്രമാണ് നാഥനെ കണ്ടെത്തുക എന്ന ജീവിതലക്ഷ്യം പൂര്‍ത്തിയാക്കുക. ഫുജ്ജാറുകള്‍ ജീവിതലക്ഷ്യമില്ലാത്തവരായതിനാല്‍ 7: 179; 15: 44; 48: 6 സൂക്തങ്ങളില്‍ പറഞ്ഞ പ്രകാരം പിശാചിന്‍റെ വീടായ നരകക്കുണത്തിലേക്ക് പോകാനുള്ളവരാണ്. 2: 2, 136; 3: 7-10; 138; 10: 57-58 വിശദീകരണം നോക്കുക.