'നിങ്ങളെ പ്രതിനിധികളായി നിശ്ചയിച്ചിട്ടുള്ളവയില്‍ നിന്ന് ചെലവഴിച്ചുകൊണ്ടിരിക്കുകയും ചെയ്യുക' എന്ന് പറഞ്ഞതിന് അനന്തരാവകാശമായി ലഭിച്ചിട്ടുള്ള സ്വത്തില്‍ നിന്ന് ചെലവഴിക്കുക എന്ന് മാത്രമല്ല ആശയം. മറിച്ച്, ഓരോരുത്തരും ഭൂമിയിലേക്ക് വന്നപ്പോള്‍ (ജനിച്ചപ്പോള്‍) കൊണ്ടുവരാ ത്തതും ഭൂമിയില്‍ നിന്ന് തിരിച്ചുപോകുമ്പോള്‍ (മരിക്കുമ്പോള്‍) കൊണ്ടുപോകാത്തതുമായ എല്ലാ അനുഗ്രഹങ്ങളും ഏറ്റവും വലിയ അനുഗ്രഹമായ അ ദ്ദിക്റിന്‍റെ വെളിച്ചത്തില്‍ ഇവിടെ ഉപയോഗപ്പെടുത്തി സ്വര്‍ഗം സമ്പാദിക്കലാണ് ജീവിതലക്ഷ്യംഎന്ന ബോധത്തില്‍ പ്രവര്‍ത്തിക്കുക എന്നാണ്. എന്നാല്‍ സ്വര്‍ഗത്തിലേക്കുള്ള 1000 ത്തില്‍ ഒന്നായ വിശ്വാസികള്‍ മാത്രമേ പ്രസ്തുതലക്ഷ്യം സാക്ഷാല്‍കരിക്കുകയുള്ളൂ. 102: 8 ല്‍, അന്നേദിനം എല്ലാ അ നുഗ്രഹങ്ങളെക്കുറിച്ചും നിങ്ങള്‍ ചോദ്യം ചെയ്യപ്പെടുകതന്നെ ചെയ്യും എന്ന് പറഞ്ഞിട്ടുണ്ട്. പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാ സ്സും അമാനത്തുമായ അദ്ദിക്ര്‍ സര്‍വ്വലോകര്‍ക്കും എത്തിച്ചുകൊടുക്കുന്ന പ്രവര്‍ത്തനങ്ങളില്‍ മുഴുകുകയും മനുഷ്യര്‍ക്കും ജീവജാലങ്ങള്‍ക്കും ഭക്ഷ ണം ലഭിക്കുന്നതിന് വേണ്ടിയും ഓക്സിജന്‍ ഉത്പാദിപ്പിച്ച് അന്തരീക്ഷവായു ശുദ്ധീകരിക്കുന്നതിന് വേണ്ടിയും കൃഷിചെയ്യുകയും ഫലവൃക്ഷങ്ങള്‍ വെ ച്ചുപിടിപ്പിക്കുകയുമാണ് ഇന്ന് അതിനുള്ള ഏറ്റവും ഉത്തമമായ മാര്‍ഗം. അതോടൊപ്പം തന്നെ 76: 8-9 സൂക്തങ്ങളില്‍ വിവരിച്ച പ്രകാരം നാഥന്‍റെ തൃപ്തി മാത്രം ആഗ്രഹിച്ചുകൊണ്ട് അനാഥകളെയും അഗതികളെയും ബന്ധികളെയും ഭക്ഷിപ്പിച്ചുകൊണ്ട് പുണ്യാത്മാക്കളാവുകയും വേണം. 6: 165; 9: 60; 19: 80; 32: 15-16; 64: 16 വിശദീകരണം നോക്കുക.