അദ്ദിക്ർ

'സര്‍വ്വസ്തുതിയും അല്ലാഹുവിനാണ്' എന്ന വാക്കില്‍ ആരംഭിക്കുന്ന 4 സൂറത്തുകളില്‍ ഒന്നാണിത്. അല്‍കഹ്ഫ്, ഫാത്വിര്‍, സബഅ് എന്നിവയാണ് മറ്റു മൂന്ന് സൂറത്തുകള്‍. ഇരുട്ട് എന്നതിന്‍റെ ബഹുവചനമായ ഇരുട്ടുകള്‍ എന്ന പദമാണ് സൂക്തത്തില്‍ ഉപ യോഗിച്ചിട്ടുള്ളത്. എന്നാല്‍ പ്രകാശം എന്നതിന്‍റെ ബഹുവചനമായ പ്രകാശങ്ങള്‍ എന്ന പദം ഉപയോഗിച്ചില്ല. പ്രകാശം അല്ലാഹുവാണെന്ന് 24: 35 ലും; പ്രകാശം അദ്ദിക്ര്‍ ആണെന്ന് 5: 15-16 ലും; അല്ലാഹുവിലേക്കുള്ള വഴി പ്രകാശമായ അദ്ദിക്ര്‍ മാത്രമാണെന്ന് 6: 126 ലും പറഞ്ഞിട്ടുണ്ട്. മറ്റുള്ള വഴികളെല്ലാം അഥവാ ആയിരത്തില്‍ തൊള്ളായിരത്തി തൊണ്ണൂ റ്റി ഒമ്പത് വഴികളും അന്ധകാരങ്ങളും പിശാചിന്‍റെ വീടായ നരകക്കുണ്ഠത്തിലേക്കുള്ളതുമാണ്. നിശ്ചയം ഇതാണ് നേരെചൊവ്വെയുള്ള മാര്‍ഗം, അപ്പോള്‍ അത് നിങ്ങള്‍ പിന്‍പറ്റുക, ആ മാര്‍ഗത്തില്‍നിന്ന് ഭിന്നിച്ചവരുടെ മാര്‍ഗങ്ങള്‍ നിങ്ങള്‍ പിന്‍പറ്റാതിരിക്കുകയും ചെയ്യുക എന്ന് 6: 153 ല്‍ പറഞ്ഞിട്ടുണ്ട്. 14: 1 ല്‍, ഗ്രന്ഥം അവതരിപ്പിച്ചിട്ടുള്ളത് തങ്ങളുടെ നാഥന്‍റെ സമ്മതപത്രമായ അതുകൊണ്ട് ജനങ്ങളെ അന്ധകാരങ്ങളില്‍ നിന്ന് പ്രകാശമാ യ അല്ലാഹുവിന്‍റെ മാര്‍ഗത്തിലേക്ക് പുറപ്പെടുവിപ്പിക്കാനാണെന്ന് പറഞ്ഞിട്ടുണ്ട്. 64: 2 ല്‍, അവന്‍ അല്ലാഹുതന്നെയാണ് നിങ്ങളെ എല്ലാവരെയും സൃഷ്ടിച്ചത്, നിങ്ങളില്‍ കാഫിറുണ്ട്, നിങ്ങളില്‍ വിശ്വാസിയുമുണ്ട്, നിങ്ങള്‍ പ്രവര്‍ത്തിച്ചുകൊണ്ടിരിക്കുന്നത് അല്ലാഹു സദാ വീക്ഷിച്ചുകൊണ്ടിരിക്കുന്നവനാണ് എന്ന് പറഞ്ഞിട്ടുണ്ട്. 2: 165 ല്‍ വിവരിച്ച പ്രകാരം ഫു ജ്ജാറുകള്‍ അല്ലാഹ് എന്ന് നാവുകൊണ്ട് പറയുന്നുണ്ടെങ്കിലും അവരുടെ ഹൃദയത്തില്‍ പിശാചിനെ കുടിയിരുത്തിക്കൊണ്ട് നാഥനിലേക്ക് എത്തിപ്പെടാന്‍ ഇടയാളന്മാരെയും ശു പാര്‍ശക്കാരെയും ജല്‍പിക്കുന്നവരാണ്. അതുവഴി അവര്‍ പ്രപഞ്ചനാഥനായ അല്ലാഹുവിന് സമന്മാരെ വെക്കുന്നവരാണ്. 2: 165-167 ല്‍ വിവരിച്ച പ്രകാരം കാഫിറുകളും അക്രമികളും ഭ്രാന്തന്മാരുമായ അവര്‍ നരകക്കുണ്ഠത്തില്‍ വെച്ച് പരസ്പരം തര്‍ക്കിക്കുന്നവ രും ശപിക്കുന്നവരും കുറ്റപ്പെടുത്തുന്നതുമാണ്. 1: 1; 2: 2, 213, 256-257; 3: 7-10; 4: 150-151 വി ശദീകരണം നോക്കുക.