അദ്ദിക്ർ

21: 30 ല്‍ വിവരിച്ചതുപോലെ ആകാശഭൂമികളെ ഒട്ടിപ്പിടിച്ച അവസ്ഥയില്‍ നിന്ന് വേര്‍പെടുത്തി ഇന്ന് കാണുന്ന വിധത്തില്‍ സംവിധാനിക്കുകയും ജീവന്‍ നിലനിര്‍ത്തുന്നതിന് വേണ്ടി വെള്ളം അനിവാര്യമാക്കുകയും ചെയ്തവനാണ് എല്ലാം അടക്കിഭരിക്കു ന്ന ഏകാധിപനും സര്‍വ്വാധിപനും സേച്ഛാധിപനുമായ ത്രികാലജ്ഞാനിയായ അല്ലാഹു. 3: 58 ല്‍ പറഞ്ഞ യുക്തിനിര്‍ഭര ഗ്രന്ഥവും 25: 33 ല്‍ പറഞ്ഞ ഏറ്റവും നല്ല വിശദീകരണ ഗ്രന്ഥവും 33: 46 ല്‍ പറഞ്ഞ നാഥന്‍റെ സമ്മതപത്രവുമായ അദ്ദിക്ര്‍ ഉപയോഗപ്പെടുത്തുന്നവര്‍ മാത്രമേ വിശ്വാസിയായ അവന്‍റെ പ്രതിനിധികളും അല്ലാഹുവിനെക്കുറിച്ചുള്ള ധാ രണ ശരിപ്പെടുത്തുന്നവരുമാവുകയുള്ളു. ഗ്രന്ഥം കിട്ടിയിട്ട് അത് ഉപയോഗപ്പെടുത്താതെ മൂടിവെക്കുകയും തള്ളിപ്പറയുകയും ചെയ്യുന്ന അറബി ഖുര്‍ആന്‍ വായിക്കുന്ന ഫുജ്ജാറു കളെല്ലാം തന്നെ അല്ലാഹുവിനെക്കുറിച്ച് വികലമായ ധാരണയുള്ളവരും 36: 59-60 ല്‍ പറഞ്ഞ പ്രകാരം പിശാചിനെ സേവിച്ചുകൊണ്ടിരിക്കുന്ന ചിന്താശക്തി ഉപയോഗപ്പെടുത്താത്ത ഭ്രാന്തന്മാരുമാണ്. 112-ാം സൂറത്തില്‍ അല്ലാഹുവിനെ പരിചയപ്പെടുത്തുന്നത് ഇങ്ങനെയാണ്: നീ പറയുക: അവന്‍, അല്ലാഹു ഏകനാണ്. അവന്‍ പൂര്‍ണ്ണനാണ്, അഥവാ എല്ലാവര്‍ക്കും ആശ്രയമായിട്ടുള്ളവനും അവന്‍ ആരുടെയും ആശ്രയം ഇല്ലാത്തവനുമാണ്. അവന്‍ പ്രസവിച്ചവനോ പ്രസവിക്കപ്പെട്ടവനോ അല്ല. അവനെപ്പോലെ ഒരാളുമില്ല. 42: 11 ല്‍, അ വനെപ്പോലെ ഒരു വസ്തുവുമില്ല എന്നും പറഞ്ഞിട്ടുണ്ട്. 2: 29, 116-117; 10: 61 വിശദീകര ണം നോക്കുക.