അദ്ദിക്ർ

നിങ്ങളെ അവന്‍ ഒറ്റ ആത്മാവില്‍ നിന്ന് സൃഷ്ടിച്ചിരിക്കുന്നു, പിന്നെ അതില്‍ നി ന്ന് അതിന്‍റെ ഇണയെ സൃഷ്ടിച്ചു, കന്നുകാലികളില്‍ നിന്നുള്ള എട്ട് ജോടികളെ നിങ്ങ ള്‍ക്ക് ഇറക്കിത്തരികയും ചെയ്തിരിക്കുന്നു, നിങ്ങളെ നിങ്ങളുടെ മാതാക്കളുടെ വയറുക ളില്‍ ഒന്നിനു പിറകെ മറ്റൊന്നായി മൂന്ന് ഇരുട്ടറകള്‍ക്കുള്ളില്‍ സൃഷ്ടിക്കുന്നു, അതാണ് നിങ്ങളുടെ അല്ലാഹു! നിങ്ങളുടെ ഉടമ, അവനാകുന്നു ആധിപത്യം, അവനല്ലാതെ മറ്റൊ രു ഇലാഹുമില്ല എന്ന് 39: 6 ല്‍ പറഞ്ഞിട്ടുണ്ട്. അതായത് എല്ലാ ചരാചരങ്ങളുടെയും സ്ര ഷ്ടാവായ അവനെ മാത്രമേ കാണാതെകണ്ട് വിളിക്കാവൂ, അവനെ മാത്രമേ ഭയപ്പെടാവൂ, അവന്‍റെ മേല്‍ മാത്രമേ ഭരമേല്‍പിക്കാവൂ, അവനോട് മാത്രമേ സഹായം തേടാവൂ, നാലാം ഘട്ടമായ ജീവിതത്തെക്കുറിച്ച് ഉത്തരം പറയേണ്ടതും അവന്‍റെ മുന്നില്‍ മാത്രമാണ്. 'അ വനെ സേവിച്ചുകൊണ്ടിരിക്കുക' എന്ന് പറഞ്ഞാല്‍ പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസ്സും അമാനത്തുമായ 41: 41-43 ല്‍ പറഞ്ഞ മിഥ്യകലരാത്ത അജയ്യഗ്രന്ഥമായ അദ്ദിക്ര്‍ ലോകര്‍ക്ക് എത്തിച്ചുകൊടുക്കുക എന്നാണ്. 6236 സൂക്തങ്ങളിലൂടെ അല്ലാഹുവിനെയും ജീവിതലക്ഷ്യത്തെയും പരിചയപ്പെടുത്തുന്ന, അദ്ദിക്റിനെ തെളിവും പ്രകാശവുമായി ഉപയോഗപ്പെടുത്തുന്ന, നേരെച്ചൊവ്വെയുള്ള പാതയില്‍ സഞ്ചരിക്കുന്ന വിശ്വാസികളില്‍ നിന്ന് മാത്രമേ അവരുടെ പതിനഞ്ച് വയസ്സിനുശേഷം മരണം വരെയു ള്ള ജീവിതം സ്വീകരിക്കപ്പെടുകയുള്ളൂ. ഗ്രന്ഥത്തില്‍ നിന്ന് പ്രസ്തുതലക്ഷ്യം മനസ്സിലാ ക്കി അക്കാര്യം ജനങ്ങളെ അറിയിക്കാത്ത കപടവിശ്വാസികള്‍ക്കും അവരെ അന്ധമായി പിന്‍പറ്റുന്ന പ്രജ്ഞയറ്റവരായ ഫാജിറുകള്‍ക്കും പിഴയായി നരകക്കുണ്ഠമാണ് ലഭിക്കുക. 1: 4; 2: 133; 6: 66 വിശദീകരണം നോക്കുക.