وَقَالُوا مَا فِي بُطُونِ هَٰذِهِ الْأَنْعَامِ خَالِصَةٌ لِذُكُورِنَا وَمُحَرَّمٌ عَلَىٰ أَزْوَاجِنَا ۖ وَإِنْ يَكُنْ مَيْتَةً فَهُمْ فِيهِ شُرَكَاءُ ۚ سَيَجْزِيهِمْ وَصْفَهُمْ ۚ إِنَّهُ حَكِيمٌ عَلِيمٌ
അവര് പറയുകയും ചെയ്യുന്നു: ഈ കാലികളുടെ വയറ്റിലുള്ളത് ഞങ്ങളില് നിന്നുള്ള പുരുഷന്മാര്ക്ക് പ്രത്യേകമാകുന്നു, ഞങ്ങളുടെ ഇണകള്ക്ക് അത് നിഷിദ്ധവുമാകുന്നു, ഇനി അത് ശവമാവുകയാണെങ്കില് അപ്പോള് അവര് ഇ രുകൂട്ടരും അതില് പങ്കാളികളാവുന്നതുമാണ്, അവരുടെ ഈ ജല്പനങ്ങള്ക്ക് അവര്ക്ക് പ്രതിഫലം നല്കപ്പെടുകതന്നെ ചെയ്യും, നിശ്ചയം അവന് യുക്തി ജ്ഞനായ സര്വ്വജ്ഞാനി തന്നെയാകുന്നു.
നേര്ച്ചമൃഗങ്ങളുടെ വയറ്റില് വളരുന്ന കുട്ടികളുടെ മാംസം അവരിലുള്ള പുരുഷന്മാര്ക്ക് മാത്രമേ ഭക്ഷിക്കാന് പാടുണ്ടായിരുന്നുള്ളൂ. എന്നാല് ആ കുട്ടി ഗര്ഭപാത്രത്തില് വെച്ച് ജീവന് പോവുകയാണെങ്കില് ആണിനും പെണ്ണിനും അതിന്റെ മാംസം ഭക്ഷിക്കാമായിരുന്നു. അഥവാ നല്ല സാധനങ്ങളാണെങ്കില് പുരുഷന്മാര്ക്കും മോശപ്പെട്ടതാണെങ്കില് സ്ത്രീകള്ക്കുമെന്ന രീതിയായിരുന്നു മക്കാമുശ്രിക്കുകള് അവലംബിച്ചിരുന്നത്. ഇത്തരം അനാചാരങ്ങളും അന്ധവിശ്വാസങ്ങളും വഴി പിശാചിനെ അനുസരിച്ചതിന് അല്ലാഹു തക്കതായ പ്രതിഫലം നല്കുമെന്നാണ് സൂക്തം മുന്നറിയിപ്പ് നല്കുന്നത്. പുരുഷന്മാര് ഭക്ഷണം കഴിച്ചതിനുശേഷം ബാക്കിയുള്ളതില് നിന്ന് മാത്രമേ സ്ത്രീകള് ഭക്ഷണം കഴിക്കാവൂ എന്ന അലിഖിത സമ്പ്രദായം ഇത്തരം ദുരാചാരങ്ങള്ക്ക് സമാനമായ ഉദാഹരണമാണ്. 24: 61 ല്, വിശ്വാസികളായ പുരുഷന്മാര്ക്കും സ്ത്രീകള്ക്കും ഒരുമിച്ചോ അല്ലെങ്കില് ചെറിയ ചെറിയ കൂട്ടങ്ങളായോ അല്ലെങ്കില് ഒരേ പാത്രത്തില് നിന്ന് അവരവര്ക്ക് ആവശ്യമുള്ളത്ര ഭക്ഷണമെടുത്ത് ഒറ്റക്കൊറ്റക്കായിട്ടോ കഴിക്കാമെന്ന അല്ലാഹുവിന്റെ കല്പനയൊന്നും ഇത്തരം സൂക്തങ്ങളെല്ലാം ആശയമില്ലാതെ വായിച്ച് വില്ലില് നിന്ന് അമ്പ് തെറിച്ചുപോകുന്ന വേഗത്തില് ദീനില് നിന്ന് തെറിച്ചുപോയതിനാല് ഫുജ്ജാറുകള് പരിഗണിക്കുന്നില്ല. 2: 24; 4: 91; 8: 22 വിശദീകരണം നോക്കുക.