അദ്ദിക്ർ

41: 41-43 സൂക്തങ്ങളില്‍, അദ്ദിക്ര്‍ മിഥ്യകലരാത്ത അജയ്യഗ്രന്ഥമാണെന്നും അത് അവതരിപ്പിച്ചിട്ടുള്ളത് യുക്തിജ്ഞനും സ്വയം സ്തുത്യര്‍ഹനുമായവനില്‍ നിന്നാണെന്നും അത് വന്നുകിട്ടിയിട്ട് അതിനെ മൂടിവെക്കുന്നവര്‍ക്ക് അതികഠിനമായ ശിക്ഷയാണുള്ളത് എന്നും പറഞ്ഞിട്ടുണ്ട്. 3: 58 ല്‍ പറഞ്ഞ യുക്തിനിര്‍ഭരവും 25: 33 ല്‍ പറഞ്ഞ ഏറ്റവും നല്ല വിശദീകരണവും ഈ സൂക്തത്തില്‍ പറഞ്ഞ അനുഗ്രഹീതവുമായ അദ്ദിക്ര്‍ ഇന്ന് ഒരു ഗ്രന്ഥമായി രൂപപ്പെട്ടിരിക്കെ അതിനെ പിന്‍പറ്റുകയും അല്ലാഹുവിനെ ഹൃദയ ത്തില്‍ സൂക്ഷിക്കുകയും ചെയ്യുന്നവര്‍ മാത്രമേ അനുഗ്രഹിക്കപ്പെടുകയുള്ളൂ. 7: 204 ല്‍, ആവര്‍ത്തിച്ച് വായിക്കപ്പെടേണ്ട ഗ്രന്ഥം വായിച്ച് കേള്‍പ്പിക്കപ്പെട്ടാല്‍ നിങ്ങള്‍ അത് ശ്രദ്ധിച്ചുകേള്‍ക്കുകയും മൗനം ദീക്ഷിക്കുകയും ചെയ്യുവിന്‍ -നിങ്ങള്‍ അനുഗ്രഹിക്കപ്പെടുക തന്നെ വേണമെന്നതിനുവേണ്ടി എന്നും പറഞ്ഞിട്ടുണ്ട്. 21: 50 ല്‍, ഇത് അനുഗ്രഹീതമായ ഒരു ഉണര്‍ത്തലാണ്, നാമാണ് അതിനെ അവതരിപ്പിച്ചിട്ടുള്ളത്, നിങ്ങള്‍ അതിനോട് വിരോധം വെക്കുന്നവരാകുന്നുവോ എന്ന് ചോദിച്ചിട്ടുണ്ട്. 2: 152; 7: 157-158 വിശദീകരണം നോക്കുക.