അദ്ദിക്ർ

അല്ലാഹുവിന്‍റെ മേല്‍ കള്ളം കെട്ടിച്ചമച്ച് പറയുന്നവര്‍ നുണ മാത്രം പറയുന്ന കപടവിശ്വാസികളും അവന്‍റെ സൂക്തങ്ങള്‍ തള്ളിപ്പറയുന്നവര്‍ കപടവിശ്വാസികളെ അന്ധമായി പിന്‍പറ്റി വഴിപിഴച്ചുപോയ അനുയായികളുമാണ്. മനുഷ്യരില്‍ നിന്നുള്ള നരകത്തിന്‍റെ വിറകുകളായ ഇവര്‍ തന്നെയാണ് യഥാര്‍ത്ഥ കാഫിറുകളും അക്രമികളും തെമ്മാടികളും ഭ്രാന്തന്മാരുമെല്ലാം. 10: 17 ല്‍, അപ്പോള്‍ അല്ലാഹുവിന്‍റെമേല്‍ കള്ളം കെട്ടിച്ചമച്ചവനേക്കാള്‍, അല്ലെങ്കില്‍ അവന്‍റെ സൂക്തങ്ങള്‍ തള്ളിപ്പറയുന്നവനേക്കാള്‍ ഏറ്റവും വലിയ അക്രമി ആരാണ്, നിശ്ചയം അവന്‍ ഇത്തരം ഭ്രാന്തന്മാരെ വിജയം വരിപ്പിക്കുകയില്ല തന്നെ എന്ന് പറഞ്ഞിട്ടുണ്ട്. 32: 22 ല്‍, തന്‍റെ നാഥന്‍റെ സൂക്തങ്ങള്‍ കൊണ്ട് ഹൃദയത്തിന്‍റെ ഭാഷയില്‍ ഉണര്‍ത്തപ്പെട്ടിട്ട് പിന്നെ അവയെ അവഗണിക്കുന്നവനെക്കാള്‍ വലിയ അക്രമി ആരാണുള്ളത്? നിശ്ചയം, ഇത്തരം ഭ്രാന്തന്മാരോട് നാം പ്രതികാരം ചെയ്യുക തന്നെ ചെയ്യും എന്ന് പറഞ്ഞിട്ടുണ്ട്. 6: 135; 12: 23; 28: 37 തുടങ്ങിയ സൂക്തങ്ങള്‍ 'നിശ്ചയം അവന്‍ ഇത്തരം അക്രമികളെ വിജയം വരിപ്പിക്കുകയില്ല തന്നെ' എന്ന് പറഞ്ഞുകൊണ്ട് അവസാനിക്കുന്നവയാണ്. 1: 7; 2: 258; 3: 78, 91; 4: 115 വിശദീകരണം നോക്കുക.