തങ്ങളുടെ നാഥന്‍റെ സൂക്തങ്ങള്‍ കൊണ്ട് ഹൃദയത്തിന്‍റെ ഭാഷയില്‍ ഉണര്‍ത്തപ്പെട്ടിട്ട് അതിനെ അവഗണിച്ച് പോയ ഇത്തരം ഭ്രാന്തന്മാരോട് നാഥന്‍ പ്രതികാരം ചെയ്യുമെന്ന് 32: 22 ല്‍ പറഞ്ഞിട്ടുണ്ട്. സത്യമായ അദ്ദിക്ര്‍ കൂടാതെ ഭൂമിയില്‍ അഹംഭാവം നടിച്ച് നടക്കുന്നവരെ എന്‍റെ സൂക്തങ്ങളെത്തൊട്ട് ഞാന്‍ പിന്തിരിപ്പിച്ച് കളയുക തന്നെ ചെയ്യും, അവര്‍ ഏതൊരു സൂക്തം കണ്ടാലും അതില്‍ വിശ്വസിക്കുകയില്ല, അവര്‍ തന്‍റേടത്തിന്‍റെ മാര്‍ഗ്ഗം കണ്ടാല്‍ ആ മാര്‍ഗ്ഗം സ്വീകരിക്കുകയുമില്ല, അവര്‍ ദുര്‍മാര്‍ഗം കണ്ടാലോ, ആ മാര്‍ഗ്ഗം സ്വീകരിക്കുകയും ചെയ്യും, അത് നിശ്ചയം അവര്‍ നമ്മുടെ സൂക്തങ്ങളെ തള്ളിപ്പറഞ്ഞതുകൊണ്ടും അവകൊള്ളെ പ്രജ്ഞയറ്റവരായതുകൊണ്ടുമാണ് എന്ന് 7: 146 ല്‍ പറഞ്ഞിട്ടുണ്ട്. ആത്മാവിനോട് അക്രമം പ്രവര്‍ത്തിച്ചവരുടെ റൂഹ് മലക്കുകള്‍ പിടിച്ചെടുക്കുന്ന സമയത്ത് അവര്‍ പൂര്‍ണ്ണമായി കീഴടങ്ങുകയും ഞങ്ങള്‍ ഇതിനുമുമ്പ് ഒരു ദുഷ്പ്രവൃത്തിയും ചെയ്യുന്നവരായിരുന്നില്ല എന്ന് പറയുകയും ചെയ്യുമ്പോള്‍; അതെ, നിശ്ചയം നിങ്ങള്‍ എന്തൊക്കെയാണ് പ്രവര്‍ത്തിച്ചുകൊണ്ടിരുന്നതെന്ന് അല്ലാഹു അറിയുന്നവന്‍ തന്നെയാകുന്നു എന്ന് മലക്കുകള്‍ മറുപടി പറയുമെന്ന് 16: 28 ല്‍ പറഞ്ഞിട്ടുണ്ട്. 

3: 102 ല്‍ വിവരിച്ച പ്രകാരം അദ്ദിക്ര്‍ കൊണ്ട് ജിന്നുകൂട്ടുകാരനെ വിശ്വാസിയാക്കി നാഥനെ ഹൃദയത്തില്‍ സൂക്ഷിക്കുന്നവര്‍ മാത്രമാണ് സര്‍വസ്വം നാഥന് സമര്‍പ്പിച്ചവരായി മരണപ്പെടുക. അല്ലാഹുവിനെക്കുറിച്ച് ദുഷിച്ച ധാരണ വെച്ചുപുലര്‍ത്തുന്ന കപടവിശ്വാസികള്‍ക്കും അനുയായികളായ മുശ്രിക്കുകള്‍ക്കുമാണ് ദുഷിച്ച പരിണിതിയുള്ളത്; അവരുടെ മേല്‍ നാഥന്‍റെ കോപവും ശാപവും വര്‍ഷിച്ചിരിക്കുന്നു, അവരുടെ മടക്കസ്ഥലം നരകക്കുണ്ഠമാണ് എന്ന് 9: 67-68; 48: 6 സൂക്തങ്ങളിലും; ഭ്രാന്തന്മാരായ അവര്‍ക്ക് ആകാശത്തിന്‍റെ വാതിലുകള്‍ തുറന്ന് കൊടുക്കുകയോ തുന്നല്‍ക്കാരന്‍റെ സൂചിയുടെ ദ്വാരത്തിലൂടെ ഒട്ടകം പ്രവേശിക്കുന്നത് വരെ അവര്‍ സ്വര്‍ഗത്തില്‍ പ്രവേശിക്കുകയോ ഇല്ല എന്ന് 7: 40 ലും പറഞ്ഞത് അവരാണ് വായിച്ചിട്ടുള്ളത്. ലോകത്തൊരിടത്തും വിശ്വാസികളുടെ സംഘമില്ലാത്ത ഇക്കാലത്ത് അദ്ദിക്റിനെ സത്യപ്പെടുത്തി ജീവിക്കുന്ന ഒറ്റപ്പെട്ട വിശ്വാസി സ്വീകരിക്കേണ്ട പ്രാര്‍ത്ഥനാരീതിയും ജീവിതരീതിയും 7: 205-206 സൂക്തങ്ങളില്‍ വിവരിച്ചിട്ടുണ്ട്. 2: 254; 3: 181-182; 5: 80-81; 9: 53-55, 80-81 വിശദീകരണം നോക്കുക.