അദ്ദിക്ർ

4: 118 ല്‍ വിവരിച്ച പ്രകാരം എല്ലാ ഓരോ ആയിരത്തിലും തൊള്ളായിരത്തി തൊണ്ണൂറ്റി ഒമ്പതിനെയും പിശാച് പാട്ടിലാക്കി നരകത്തിലേക്കാക്കുന്നതാണ്. 4: 79 ല്‍ വിവരിച്ച പ്രകാരം നന്മ അല്ലാഹുവില്‍ നിന്നും തിന്മ പിശാചില്‍ നിന്നുമാണ്. 2: 256 ല്‍ വിവരിച്ച പ്രകാരം സ്വര്‍ഗത്തില്‍ നിന്ന് ഭൂമിയിലേക്ക് നീട്ടിയിട്ടിട്ടുള്ള പൊട്ടിപ്പോകാത്ത പാശമായ അദ്ദിക്റിനെ മുറുകെപ്പിടിച്ച് ജീവിക്കുന്ന വിശ്വാസിയുടെ മുന്‍ഭാഗത്തിലൂടെയും പിന്‍ഭാഗത്തിലൂടെയും വലതുഭാഗത്തിലൂടെയും ഇടതുഭാഗത്തിലൂടെയും സമീപിക്കാന്‍ പിശാചിന് സാധിക്കുകയില്ല. 16: 99-100 കൂട്ടിവായിക്കുക. വിശ്വാസി 1: 4 ല്‍, 'ഞങ്ങള്‍ സേവിക്കുന്നത് നിന്നെ മാത്രമാണ്, ഞങ്ങള്‍ അതിനുവേണ്ടി സഹായം തേടുന്നതും നിന്നോട് മാത്രമാണ്' എന്ന് മനസ്സാ പറയുന്നവരും, അപ്പോള്‍ ഞങ്ങളെ നീ സ്വര്‍ഗ്ഗത്തിലേക്കുള്ള ആയിരത്തില്‍ ഒന്നായ നിന്‍റെ പ്രത്യേകക്കാരായ അടിമകളാക്കേണമേ എന്ന് ആത്മാവുകൊണ്ട് പ്രാര്‍ത്ഥിക്കുന്നവനുമാണ്. അദ്ദിക്റിനെ പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസ്സും അമാനത്തുമായി ഉപയോഗപ്പെടുത്തി അല്ലാഹുവിനെയും അവന്‍റെ പ്രവാചകന്മാരെയും ജീവിപ്പിക്കുകയും സഹായിക്കുകയും ശക്തിപ്പെടുത്തുകയും ചെയ്യുന്ന വിശ്വാസിക്ക് മനുഷ്യപ്പിശാചുക്കളും ജിന്നുപിശാചുക്കളും മാത്രമല്ല, ആകാശഭൂമികളിലുള്ള സര്‍വ്വസ്വവും കീഴ്വണങ്ങാന്‍ വിധിക്കപ്പെട്ടിരിക്കുന്നു. 1: 7; 3: 190-191; 6: 117 വിശദീകരണം നോക്കുക.