ജീവിതലക്ഷ്യം വിശദീകരിക്കുന്ന അദ്ദിക്ര്‍ വന്നുകിട്ടിയിട്ട് അതിനെ മൂടിവെക്കുകയും തള്ളിപ്പറയുകയും ചെയ്തുകൊണ്ട് വഞ്ചകനായ പിശാചിന്‍റെ വഞ്ചനയില്‍ പെട്ട് ആത്മാവിനെയും പരലോകത്തെയും അവഗണിച്ച് ശരീരത്തിനും ഐഹിക ജീവിതത്തിനും പ്രാധാന്യം നല്‍കിക്കൊണ്ട് ജീവിതത്തെ കളിയും തമാശയുമായി കൊണ്ടുനടക്കുന്ന കപടവിശ്വാസികള്‍ക്കും അവരെ അന്ധമായി പിന്‍പറ്റിക്കൊണ്ടിരിക്കുന്ന ഫാജിറുകള്‍ക്കും പരലോകത്ത് വരാന്‍ പോകുന്ന രംഗമാണിത്. നരകത്തിലുള്ള മാതാപിതാക്കള്‍ സ്വര്‍ഗത്തിലുള്ള മക്കളോടും അല്ലെങ്കില്‍ നരകത്തിലുള്ള മക്കള്‍ സ്വര്‍ഗത്തിലുള്ള മാതാപിതാക്കളോടും പരസ്പരം ചോദിക്കുന്ന ദയനീയമായ രംഗമാണ് ഇവിടെ ചൂണ്ടിക്കാണിക്കുന്നത്. എല്ലാവിധ ആപത്ത് വിപത്തുകളെത്തൊട്ടും രോഗങ്ങളെത്തൊട്ടും നരകക്കുണ്ഠത്തെത്തൊട്ടും കാത്തുസൂക്ഷിക്കുന്ന പരിചയും മുഹൈമിനും സ്വര്‍ഗ്ഗത്തിലേക്കുള്ള ടിക്കറ്റുമായി അദ്ദിക്റിനെ ഉപയോഗപ്പെടുത്താത്തവരും മറ്റുള്ളവര്‍ക്ക് അങ്ങനെ ഉപയോഗപ്പെടുത്താന്‍ നല്‍കാത്തവരുമായ ഫുജ്ജാറുകള്‍ തന്നെയാണ് അക്രമികള്‍. 'എനിക്ക് ഐഹികലോകത്ത് കണ്ണിന് കാഴ്ചയുണ്ടായിരുന്നല്ലോ' എന്ന് പറയുമ്പോള്‍ 'അപ്രകാരം നമ്മുടെ സൂക്തങ്ങള്‍ നിനക്ക് വന്നുകിട്ടിയിരുന്നു, അപ്പോള്‍ നീ അതിനെ വിസ്മരിച്ചു, അപ്രകാരം ഇന്നേദിനം നീയും വിസ്മരിക്കപ്പെട്ടിരിക്കുകയാണ്' എന്നാണ് മറുപടി നല്‍കപ്പെടുക എന്ന് 20: 124-126 സൂക്തങ്ങളില്‍ പറഞ്ഞിട്ടുണ്ട്. 32: 14 ല്‍, നരകവാസികളെക്കുറിച്ച്, അപ്പോള്‍ നിങ്ങള്‍ ഈ നാളിനെ കണ്ടുമുട്ടണമെന്ന് വിസ്മരിച്ചതുപോലെ നിശ്ചയം ഇന്നേ ദിനം നാമും നിങ്ങളെ വിസ്മരിച്ചിരിക്കുകയാണ്, നിങ്ങള്‍ പ്രവര്‍ത്തിച്ചുകൊണ്ടിരുന്നതിന് പ്രതിഫലമായി ശാശ്വതമായ നരകശിക്ഷ നിങ്ങള്‍ രുചിച്ചുകൊള്ളുകയും ചെയ്യുക എന്ന് പറയപ്പെടുന്ന രംഗം മുന്നറിയിപ്പ് നല്‍കിയിട്ടുണ്ട്. 5: 57-58; 6: 31-33, 70; 7: 40; 29: 47-50വിശദീകരണം നോക്കുക.