അദ്ദിക്ർ

ഇന്ന് ഇത്തരം സൂക്തങ്ങളെല്ലാം വായിക്കുന്ന ഫുജ്ജാറുകള്‍ തന്നെയാണ് ലോകത്തെവിടെയും എന്നെന്നും ഇവിടെ കഴിഞ്ഞുകൂടാമെന്ന ധാരണയില്‍ ആദ് ജനതയുടെയും സമൂദ് ജനതയുടെയുമെല്ലാം നിര്‍മ്മാണങ്ങളെ വെല്ലുന്ന പാര്‍പ്പിടങ്ങളും കെട്ടിടസമുച്ചയങ്ങളും സ്മാരകങ്ങളും തുരങ്കങ്ങളുമെല്ലാം നിര്‍മ്മിച്ചുകൊണ്ടിരിക്കുന്നത്. അവര്‍ തന്നെയാണ് ഭൂമിക്ക് ആണിയായിട്ടുള്ള മലകള്‍ തുരന്നെടുത്ത് കടലിലും വയലിലും മണ്ണിട്ട് നികത്തി കൃത്രിമമായി കരകള്‍ നിര്‍മ്മിക്കുന്നതിലും അവിടെ കൂറ്റന്‍ സൗധങ്ങള്‍ പണിയുന്നതിലുമെല്ലാം മുന്‍പന്തിയിലുള്ളത്. അല്ലാഹുവിന്‍റെ അടയാളങ്ങളെ ഓര്‍മ്മിക്കാതെയും ചിന്തയില്ലാതെയും പ്രപഞ്ചത്തെ നശിപ്പിക്കാന്‍ ഓടിനടക്കുന്നവരില്‍ മുന്‍പന്തിയിലുള്ളത് 25: 18 ല്‍ പറഞ്ഞ പ്രകാരം അദ്ദിക്റിനെ വിസ്മരിച്ച് ജീവിക്കുന്ന ഈ കെട്ടജനത തന്നെയാണ്. ഭൂമിയിലെ മനുഷ്യരുടെ പാര്‍പ്പിടത്തിനെ വിശ്രമസ്ഥലമെന്നാണ് 7: 24 ല്‍ അല്ലാഹു വിശേഷിപ്പിച്ചിട്ടുള്ളത് എന്ന് ഈ ഭ്രാന്തന്മാര്‍ ചിന്തിക്കുന്നില്ല. ഇതരജനവിഭാഗങ്ങളെക്കൂടി വലിയ സൗധങ്ങളും കൊട്ടാരങ്ങളും ഉണ്ടാക്കുന്നതിന് പ്രേരിപ്പിക്കുന്നവരായി മാറിയിരിക്കുകയാണ് ഇവര്‍. അദ്ദിക്റിന് വിരുദ്ധമായി ജീവിതം നയിക്കുക വഴി കാഫിറുകളായിത്തീര്‍ന്ന ഇവരുടെ പള്ളികള്‍ സന്മാര്‍ഗ്ഗം തീരെ ഇല്ലാത്ത വലിയ സൗധങ്ങളാണ്. അവസാനകാലത്ത് അവരുടെ പള്ളികള്‍ വലിയ കെട്ടിടങ്ങളായിരിക്കും, എന്നാല്‍ അവ സന്മാര്‍ഗത്തെത്തൊട്ട് തടയുന്നതുമായിരിക്കും എന്ന് പ്രപഞ്ചനാഥന്‍ അവന്‍റെ നിരക്ഷരനായ പ്രവാചകനിലൂടെ പഠിപ്പിച്ചത് അന്വര്‍ത്ഥമായിരിക്കുന്നു. അദ്ദിക്റില്‍ നിന്ന് ഒളിച്ചോടിപ്പോയ ഈ കെട്ടജനതക്കെതിരെ പ്രവാചകന്‍ വിധിദിവസം അന്യായം ബോധിപ്പിക്കുന്ന രംഗം 25: 30 ല്‍ മുന്നറിയിപ്പ് നല്‍കിയിട്ടുണ്ട്. 4: 91; 8: 22; 30: 41; 34: 19-20 വിശദീകരണം നോക്കുക.