അദ്ദിക്ർ

നാഥന്‍റെ വചനമായ അദ്ദിക്ര്‍ അറിഞ്ഞിട്ട് അത് പിന്‍പറ്റാതിരിക്കുകയും അത് മറ്റുള്ളവരോട് പറയാതിരിക്കുകയും ചെയ്യുന്ന കപടവിശ്വാസികളാണ് ഊമകള്‍-സംസാരിക്കാത്തവര്‍. അദ്ദിക്ര്‍ മനസ്സിലാക്കാന്‍ കേള്‍വിയും കാഴ്ചയും ബുദ്ധിശക്തിയും ഉപയോഗപ്പെടുത്താതെ അറബി ഖുര്‍ആന്‍ പാരായണം ചെയ്യുന്ന ഫാജിറുകളാണ് ബധിരര്‍-ചെവികേള്‍ക്കാത്തവര്‍. ബുദ്ധി ഉപയോഗിച്ച് ചിന്തിക്കാത്ത ഇത്തരം ഊമകളും ബധിരരുമാ യ ഫുജ്ജാറുകള്‍ തന്നെയാണ് 52 സൂക്തങ്ങളില്‍ പരാമര്‍ശിച്ച ഭ്രാന്തന്‍മാര്‍-മുജ്രിംകള്‍. 6: 55; 7: 40 സൂക്തങ്ങളില്‍ വിവരിച്ച പ്രകാരം ഇവര്‍ പിശാചിനെയാണ് സേവിച്ചുകൊണ്ടി രിക്കുന്നത്. ഇവര്‍ വിധിദിവസം നരകത്തിലേക്ക് വലിച്ചെറിയപ്പെടുമ്പോള്‍ 'ഞങ്ങള്‍ അ ദ്ദിക്ര്‍ കേട്ടിരുന്നെങ്കില്‍, അല്ലെങ്കില്‍ ബുദ്ധി ഉപയോഗപ്പെടുത്തി ചിന്തിച്ചിരുന്നുവെങ്കില്‍ ഞങ്ങള്‍ ഈ കത്തിയാളുന്ന നരകത്തിന്‍റെ സഹവാസികള്‍ ആകുമായിരുന്നില്ലല്ലോ' എ ന്ന് വിലപിക്കുന്ന രംഗം 67: 10 ല്‍ മുന്നറിയിപ്പ് നല്‍കിയിട്ടുണ്ട്. നരകക്കുണ്ഠത്തില്‍ ശാ ശ്വതരായ ഇവരെ കരയിലെ ഏറ്റവും തിന്മയേറിയ ജീവികള്‍ എന്നാണ് 98: 6 ല്‍ പറഞ്ഞി ട്ടുള്ളതെങ്കില്‍, അമാനത്തായ അദ്ദിക്ര്‍ അവതരിപ്പിച്ചിട്ടുള്ളതും വിശ്വാസികള്‍ക്ക് മക്കാ വിജയം പോലുള്ള വിജയങ്ങള്‍ നല്‍കിയതും ഇനി ലോകരില്‍ നിന്നുള്ള വിശ്വാസിക ളെ ഇജാസിലേക്ക് വേര്‍തിരിക്കുന്നതും ഇക്കൂട്ടരെ ശിക്ഷിക്കാന്‍ വേണ്ടിയാണെന്ന് 33: 73; 48: 6 എന്നീ സൂക്തങ്ങളില്‍ പറഞ്ഞിട്ടുണ്ട്. ഈസാ രണ്ടാമത് വന്നാല്‍ ശപിക്കപ്പെട്ട ഇ വര്‍ വധിക്കപ്പെടുമെന്ന് 33: 60-61 ല്‍ പറഞ്ഞിട്ടുണ്ട്. 'കോപിക്കപ്പെട്ടവരുടെയും വഴിപിഴച്ചവരുടെയും മാര്‍ഗത്തിലല്ല' എന്ന 1: 7 വായിക്കുമ്പോള്‍, ഈ സൂക്തത്തില്‍ പറഞ്ഞ ഊമകളിലും ബധിരരിലും ഉള്‍പെടരുത് എന്നാണ് വിശ്വാസികള്‍ മനസ്സില്‍ കരുതേണ്ടത്. 2: 18, 165-167, 171; 25: 33-34 വിശദീകരണം നോക്കുക.