അദ്ദിക്റിനെ മൂടിവെച്ച് സത്യത്തിലാണെന്ന് അഹങ്കരിക്കുന്ന കപടവിശ്വാസികളുടെ സമ്പത്തുകൊണ്ടും സന്താനങ്ങള്‍ കൊണ്ടും ഇഹത്തില്‍ അവരെ ശിക്ഷിക്കുമെന്നും അവര്‍ കാഫിറായിക്കൊണ്ട് ജീവന്‍ വെടിഞ്ഞിരിക്കുന്നു എന്നും 9: 55, 85 സൂക്തങ്ങളില്‍ പറഞ്ഞിട്ടുണ്ട്. സമ്പത്തും സന്താനങ്ങളും ഭൗതികജീവിതത്തിന്‍റെ അലങ്കാരങ്ങളാണ്, ഗ്രന്ഥത്തിന്‍റെ വിധിവിലക്കുകള്‍ക്ക് അനുസരിച്ചിട്ടുള്ള കര്‍മങ്ങള്‍ മാത്രമാണ് നിന്‍റെ നാഥന്‍റെ അടുക്കല്‍ ഏറ്റവും നല്ല പ്രവൃത്തികളും ഉത്തമമായ പ്രതിഫലം ലഭിക്കുന്നതും എന്ന് 18: 46 ല്‍ പറഞ്ഞിട്ടുണ്ട്. 3: 14-15, 196-197; 6: 165 വിശദീകരണം നോക്കുക.