'നാശമില്ലാതാകുന്നതുവരെയും ദീന്‍ മുഴുവന്‍ അല്ലാഹുവിനായിത്തീരുന്നതുവരെയും നിങ്ങള്‍ അവരോട് യുദ്ധം ചെയ്യുക' എന്നതു കൊണ്ടുദ്ദേശിക്കുന്നത് വിശ്വാസിയായി ജീവിക്കാന്‍ ആഗ്രഹിക്കുന്ന ഒരാള്‍ക്ക് വിശ്വാസിയായി ജീവിക്കാനുള്ള സ്വാതന്ത്ര്യം നിലവില്‍ വരുന്നതുവരെ നിങ്ങള്‍ അവരോട് യുദ്ധം ചെയ്യുക എന്നാണ്. വിശ്വാസികളുടെ ഒരു സംഘമുള്ളപ്പോഴാണ് ഗ്രന്ഥം മൂടിവെച്ചുകൊണ്ടും തള്ളിപ്പറഞ്ഞുകൊണ്ടും വിശ്വാസികളോട് ശത്രുത പുലര്‍ത്തുന്ന കപടവിശ്വാസികളോടും കുഫ്ഫാറുകളോടും യുദ്ധം ചെയ്യാന്‍ കല്‍പിച്ചിട്ടുള്ളത്. 2: 256, 272; 10: 100; 28: 56 വിശദീകരണം നോക്കുക.

 പ്രവാചകന്‍റെ വിയോഗത്തിന് 30 വര്‍ഷങ്ങള്‍ക്കുശേഷം അറബി ഖുര്‍ആന്‍ വായിക്കുന്ന ആയിരത്തില്‍ തൊള്ളായിരത്തി തൊണ്ണൂറ്റി ഒന്‍പതും ഫുജ്ജാറുകളാണെന്നും, അവര്‍ തന്നെയാണ് കാഫിറുകളെന്നും 3: 7-10 സൂക്തങ്ങളില്‍ വിവരിച്ചിട്ടുണ്ട്. അപ്പോള്‍ ഇന്ന് ആയിരത്തില്‍ ഒന്നായ, അദ്ദിക്റിനെ സത്യപ്പെടുത്തി ജീവിക്കുന്ന വിശ്വാസി 9: 67-68 സൂക്തങ്ങളില്‍ പറഞ്ഞ ഫുജ്ജാറുകളോട് അദ്ദിക്ര്‍ കൊണ്ട് അധികരിച്ച ജിഹാദ് നടത്താനാണ് 9: 73 ലൂടെ കല്‍പിക്കപ്പെട്ടിട്ടുള്ളത്. 

                2: 62 ല്‍ വിവരിച്ച പ്രകാരം പ്രവാചകന്‍റെ സമുദായത്തില്‍ പെട്ട ജൈനര്‍, ബുദ്ധര്‍, ഹൈന്ദവര്‍, ജൂതര്‍, ക്രൈസ്തവര്‍ തുടങ്ങിയ ജനവിഭാഗങ്ങള്‍ ഏകദൈവത്തെക്കൊണ്ടും അന്ത്യദിനത്തെക്കൊണ്ടും വിശ്വസിച്ച് സല്‍ക്കര്‍മ്മങ്ങള്‍ അനുഷ്ഠിക്കുകയാണെങ്കില്‍ അവര്‍ക്ക് അവരുടെ പ്രതിഫലം നാഥന്‍റെ പക്കല്‍ ഉണ്ട്, അവരുടെമേല്‍ ഭയപ്പെടാനോ അവര്‍ക്ക് ദുഃഖിക്കാനോ ഇടവരികയില്ല. 2: 193, 286; 3: 136; 4: 118; 22: 78 വിശദീകരണം നോക്കുക.