അദ്ദിക്ർ

യുദ്ധമുതല്‍ അല്ലാഹുവിന്‍റെ ദാനമാണെന്നും അതിനെക്കുറിച്ച് തീരുമാനം കല്‍പ്പി ക്കാനുള്ള അധികാരം അല്ലാഹുവിനും അവന്‍റെ പ്രവാചകനും മാത്രമാണെന്നും 8: 1 ല്‍ പറഞ്ഞിട്ടുള്ളതാണ്. ഈ സൂക്തത്തില്‍ നിന്നാണ് യുദ്ധമുതലിന് ഗ്വനീമത്ത് എന്ന പേര് ലഭിച്ചിട്ടുള്ളത്. അന്‍ഫാല്‍ എന്നാല്‍ ഐഛികമായിട്ടുള്ളത് എന്നാണ് ആശയം. അതായത് യുദ്ധത്തിന്‍റെ ലക്ഷ്യം യുദ്ധമുതല്‍ നേടുകയെന്നതല്ല, അത് ഐഛികമായി ലഭിക്കുന്നതാണ്. അത് ഭാഗിക്കുന്നതിനുള്ള നിയമമാണ് ഇവിടെ വിവരിച്ചിരിക്കുന്നത്. അല്ലാഹുവി ന്‍റെയും പ്രവാചകന്‍റെയും വിഹിതം എന്നത് ഒന്നുതന്നെയാണ്. അതായത് അഞ്ചിലൊന്ന്. അത് അല്ലാഹുവിന്‍റെ വചനത്തിന്‍റെ ഉന്നമനത്തിനും യഥാര്‍ത്ഥ ദീനിന്‍റെ പുരോഗതിക്കും ഉപയോഗപ്പെടുത്താനുള്ളതുമാണ്. 'നമ്മുടെ ദാസന്‍റെ മേല്‍ നാം ഇറക്കിയത്' എന്നതുകൊ ണ്ടുള്ള വിവക്ഷ ബദ്ര്‍ ദിനത്തില്‍ വിശ്വാസികള്‍ക്ക് വിജയം നേടിക്കൊടുത്ത അല്ലാഹു വിന്‍റെ സഹായമാണ്. ബദ്ര്‍ ദിനത്തിലെ വിശ്വാസികളുടെ വിജയം കാര്യകാരണ ബന്ധങ്ങ ള്‍ക്ക് അതീതമായിരുന്നു. 

ഇന്ന് യുദ്ധമുതല്‍ ലഭിക്കത്തക്ക രീതിയിലുള്ള യുദ്ധമില്ല, മറിച്ച് അദ്ദിക്റിനെ മൂടിവെക്കുന്ന കാഫിറുകളായ കപടവിശ്വാസികളോടും അവരുടെ അനുയായികളോടും 41: 41 ല്‍ പറഞ്ഞ അജയ്യഗ്രന്ഥമായ അദ്ദിക്ര്‍ കൊണ്ട് 7: 205-206 ല്‍ വിവരിച്ച പ്രകാരം അധികരിച്ച ജിഹാദ് ചെയ്യാനാണ് വിശ്വാസിയോട് കല്‍പിച്ചിട്ടുള്ളത്. 9: 60 ല്‍ വിവരിച്ച പ്ര കാരം ദാനധര്‍മ്മങ്ങളും സകാത്തും അടക്കമുള്ള എല്ലാം അല്ലാഹുവിനെയും പ്രവാചകനെയും ജീവിത ലക്ഷ്യത്തെയും ലോകര്‍ക്ക് പരിചയപ്പെടുത്തുന്നതിനുവേണ്ടി അദ്ദിക്ര്‍ എന്ന ഗ്രന്ഥത്തെ ജാതി-മത-ലിംഗ-വര്‍ണ്ണ-ഭാഷ-ദേശ ഭേദമന്യേ ലോകര്‍ക്ക് എത്തിച്ചുകൊടുക്കാനാണ് ചെലവഴിക്കേണ്ടത്. അതാണ് പിശാചിനെയും അവന്‍റെ സംഘത്തെയും നിയന്ത്രിക്കാനും നേരിടാനുമുള്ള ഏറ്റവും ശക്തിയേറിയ ആയുധം. തീവ്രവാദം, വര്‍ഗീ യത, രക്തച്ചൊരിച്ചില്‍ തുടങ്ങിയ പൈശാചിക പ്രവര്‍ത്തനങ്ങളെല്ലാം തടയാനുള്ള മാ ര്‍ഗവും അതുതന്നെയാണ്. 3: 161-162; 9: 31-32; 38: 29 വിശദീകരണം നോക്കുക.