കള്ളുകുടിച്ച് ആടിപ്പാടി ആര്‍ഭാടപൂര്‍വ്വം ഞങ്ങളെ തടയാന്‍ ആരുണ്ടെന്ന ഭാവത്തില്‍ മക്കയില്‍ നിന്ന് ഇറങ്ങിത്തിരിച്ച കാഫിറുകളായ ഖുറൈശിപ്പടയെപ്പോലെ വിശ്വാസികള്‍ ആകരുത് എന്നും, അവര്‍ അല്ലാഹുവിനെ ധാരാളം സ്മരിക്കുന്നവരും അവനില്‍ ഭരമേല്‍ പ്പിച്ചവരും അവനെ ആശ്രയിച്ച് അവനുവേണ്ടിമാത്രം ജീവിക്കുന്നവരുമാകണമെന്നുമാണ് സൂക്തം കല്‍പിക്കുന്നത്. 110: 1-3 സൂക്തങ്ങളില്‍ പ്രവാചകനോടും വിശ്വാസികളോടുമുള്ള അല്ലാഹുവിന്‍റെ കല്‍പന 'അല്ലാഹുവിന്‍റെ സഹായവും മഹത്തായ വിജയവും വരികയും ജനങ്ങള്‍ കൂട്ടം കൂട്ടമായി അല്ലാഹുവിന്‍റെ ദീനില്‍ പ്രവേശിക്കുന്നത് കാണുകയും ചെയ്താല്‍ നീ നിന്‍റെ റബ്ബിനെ സ്തുതിച്ചുകൊണ്ട് അവനെ വാഴ്ത്തുകയും പൊറുക്കലിനെത്തേ ടുകയും ചെയ്യുക, നിശ്ചയം അവന്‍ ഏറെ പശ്ചാത്താപം സ്വീകരിക്കുന്നവനാണ്' എന്നാണ്. 12: 92 വിശദീകരണം നോക്കുക. 

ഇന്ന് ലോകരില്‍ കപടവിശ്വാസികളും അവരുടെ അനുയായികളുമടങ്ങിയ ഫുജ്ജാറുകളാണ് ഇത്തരം സൂക്തങ്ങളെല്ലാം വായിക്കുന്നത്. 25: 17-18 സൂക്തങ്ങളില്‍ പറഞ്ഞ പ്രകാരം അവര്‍ അദ്ദിക്റിനെ വിസ്മരിച്ച് കെട്ടജനതയായിരിക്കുന്നു. ഈ ജനത മറ്റേതൊരു ജനവിഭാഗത്തെക്കാളും അഹങ്കാരികളും ധാര്‍ഷ്ട്യമുള്ളവരുമായി മാറിയതിനാലാണ് അവരെ 8: 22 ല്‍ ദുഷ്ടജീവികളെന്ന് വിശേഷിപ്പിച്ചിട്ടുള്ളത്. 7: 179; 25: 34 സൂക്തങ്ങള്‍ പ്ര കാരം ഇക്കൂട്ടരെക്കൊണ്ട് നരകക്കുണ്ഠം കുത്തിനിറക്കപ്പെടുന്നതാണ്. 2: 205-206; 4: 94; 6: 25-26; 9: 67-68 വിശദീകരണം നോക്കുക.