ഫിര്‍ഔനിനെയും നംറൂദിനെയുമെല്ലാം അവര്‍ സത്യം അറിഞ്ഞ് മൂടിവെക്കുന്ന കപടവിശ്വാസികളായ തെമ്മാടികളായപ്പോഴാണ് നശിപ്പിച്ചിട്ടുള്ളത് എന്ന് 2: 57; 3: 91; 6: 47; 10: 92 സൂക്തങ്ങളില്‍ പറഞ്ഞിട്ടുണ്ട്. ഈ സൂക്തത്തില്‍ പറഞ്ഞ ആയത്തുകള്‍ കൊണ്ട് ഉദ്ദേശിക്കുന്നത് ഫിര്‍ഔന്‍ പ്രഭൃതികളുടെ കാര്യത്തില്‍ 7: 133 ല്‍ വിവരിച്ച ദൃഷ്ടാന്തങ്ങളാണ്. ഇന്ന് നാഥന്‍റെ ദൃഷ്ടാന്തം 41: 41-42 സൂക്തങ്ങളില്‍ പറഞ്ഞ മിഥ്യയൊന്നും കടന്നുകൂടാത്ത അജയ്യഗ്രന്ഥമായ അദ്ദിക്റാണ്. 46: 35 വിവരിച്ച പ്രകാരം നാഥന്‍റെ ദൃഷ്ടാന്തങ്ങളെ മൂടിവെച്ച് എല്ലാവരും തെമ്മാടികളാകുമ്പോഴാണ് അല്ലാഹു ഏത് ജനതയെയും നശിപ്പിക്കുക. 6: 158 ല്‍ വിവരിച്ച പ്രകാരം അന്ത്യനാളിന്‍റെ പ്രധാനപ്പെട്ട പത്ത് അടയാളങ്ങളില്‍ ഒന്ന് സംഭവിച്ചാല്‍ ഒരു ആത്മാവിനും വിശ്വാസം സ്വീകരിക്കല്‍ ഉപകാരപ്പെടുകയോ അവരില്‍ നിന്ന് പ്രായശ്ചിത്തം സ്വീകരിക്കപ്പെടുകയോ ഇല്ല. 2: 99; 6: 133; 8: 33 വിശദീകരണം നോക്കുക.