പ്രവാചകന്‍റെ കാലത്ത് മദീനയിലുള്ള ജൂതരുടെയും മക്കാമുശ്രിക്കുകളുടെയും ഇത്തരം കപടസ്വഭാവങ്ങള്‍ ഇന്ന് അറബി ഖുര്‍ആന്‍ വായിക്കുന്ന ഫുജ്ജാറുകളിലാണ് കൂടുതല്‍ കാണപ്പെടുന്നത്. വായ പൊളിച്ചാല്‍ നുണ പറയുക, വാഗ്ദത്തം ചെയ്താല്‍ ലംഘിക്കുക, വിശ്വസിച്ചാല്‍ വഞ്ചിക്കുക തുടങ്ങിയവ അവരുടെ പ്രത്യക്ഷമായ സ്വഭാവങ്ങളാണെന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. 16: 91 ല്‍, അല്ലാഹുവിനെ മുന്‍നിര്‍ത്തിക്കൊണ്ട് ചെയ്യുന്ന ഉടമ്പടി നിങ്ങള്‍ പൂര്‍ത്തിയാക്കുക, അല്ലാഹുവിനെ സാക്ഷിയാക്കിക്കൊണ്ടുള്ള പ്രതിജ്ഞകള്‍ ലംഘിക്കുകയുമരുത്, അതില്‍ അല്ലാഹുവിനെ നിങ്ങള്‍ മേല്‍നോട്ടക്കാരനാക്കിയിട്ടുണ്ടല്ലോ, നിശ്ചയം അല്ലാഹു നിങ്ങള്‍ പ്രവര്‍ത്തിക്കുന്നതെല്ലാം അറിയുന്നുണ്ട് എന്ന് പറഞ്ഞിട്ടുണ്ട്. 2: 26-27; 3: 75; 17: 34 വിശദീകരണം നോക്കുക.