സ്വര്‍ഗ്ഗത്തിലേക്കുള്ള ടിക്കറ്റായ അദ്ദിക്റിനെ മൂടിവെക്കുന്ന വിചാരണയില്ലാതെ നരകക്കുണ്ഠത്തിലേക്ക് മുന്‍കടക്കുന്ന കപടവിശ്വാസികള്‍ വിശ്വാസികളെ ഇവിടെവെച്ച് അതിജയിക്കുമെന്ന് കണക്കുകൂട്ടേണ്ടതില്ല. വിശ്വാസികള്‍ 32: 4 ന്‍റെ കല്‍പന അംഗീകരിച്ചുകൊണ്ട് പ്രപഞ്ചനാഥനെക്കൂടാതെ സംരക്ഷകരില്‍ നിന്നോ ശുപാര്‍ശക്കാരില്‍ നിന്നോ ആരുമില്ല എന്ന് ലോകര്‍ക്ക് പരിചയപ്പെടുത്തുന്നതിനുവേണ്ടി അദ്ദിക്ര്‍ ലോകരിലേക്ക് എത്തിച്ചുകൊടുക്കാന്‍ ശ്രമിക്കുന്നവരാണെങ്കില്‍ കപടവിശ്വാസികളായ കാഫിറുകള്‍ 9: 32 ല്‍ വിവരിച്ച പ്രകാരം പ്രകാശമായ അദ്ദിക്റിനെ അവരുടെ വായകൊണ്ട് ഊതിക്കെടുത്താന്‍ ശ്രമിക്കുന്നവരാണ്. 

 സത്യം വന്നുകഴിഞ്ഞു, മിഥ്യ ഉടയുകയും ചെയ്തു, നിശ്ചയം മിഥ്യ ഉടയാനുള്ളത് തന്നെയാണ് എന്ന് 17: 81 ല്‍ പറഞ്ഞിട്ടുണ്ട്. സത്യം വന്നുകഴിഞ്ഞു, ഇനി മിഥ്യ ആരംഭിക്കുകയോ ആവര്‍ത്തിക്കുകയോ ഇല്ല എന്ന് ഫുജ്ജാറുകളോട് പറയാന്‍ പ്രവാചകനും വിശ്വാസികളും 34: 49 ലൂടെ കല്‍പിക്കപ്പെട്ടിട്ടുണ്ട്. സത്യം അദ്ദിക്റിന്‍റെ 40 പേരുകളില്‍ ഒന്നാണ്. സത്യം നാഥനില്‍ നിന്നുള്ളതും മിഥ്യ പിശാചില്‍ നിന്നുള്ളതുമാണ്. നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റില്‍ ക്രോഡീകരിക്കുന്നതിന് മുമ്പോ ശേഷമോ മിഥ്യയൊന്നും കടന്നുകൂടുകയില്ല, 15: 9 പ്രകാരം അതിന്‍റെ സൂക്ഷിപ്പ് പ്രപഞ്ചനാഥന്‍ തന്നെ ഏറ്റെടുത്തിട്ടുണ്ട്. അറബി ഖുര്‍ആന്‍ വായിക്കുന്ന ഫുജ്ജാറുകള്‍ അദ്ദിക്റിനെ മൂടിവെച്ചുകൊണ്ടും തള്ളിപ്പറഞ്ഞുകൊണ്ടും 29 കള്ളവാദികള്‍ എഴുതിയുണ്ടാക്കിയ മിഥ്യാഗ്രന്ഥങ്ങള്‍ പഠിക്കുകയും പഠിപ്പിക്കുകയും പ്രചരിപ്പിക്കുകയും ചെയ്യുന്നവരാണ്. നാഥന്‍ അവരെ മുഴുവനും നരകക്കുണ്ഠത്തില്‍ ഒരുമിച്ചുകൂട്ടുമെന്ന് 4: 140 ലും; ഏറ്റവും നല്ല ഗ്രന്ഥമായ അദ്ദിക്റിനെ സത്യപ്പെടുത്തി ജീവിക്കാത്ത ഫുജ്ജാറുകളില്‍ നിന്നുള്ള ഏതൊരുവനോടും മരണസമയത്ത് നാഥന്‍ 'നീ കാഫിറുകളില്‍ പെട്ടവന്‍ തന്നെയായിരുന്നു' എന്ന് പറയുമെന്ന് 39: 58-59 സൂക്തങ്ങളിലും മുന്നറിയിപ്പ് നല്‍കിയിട്ടുണ്ട്. 3: 176-180; 4: 145-147; 7: 40-41 വിശദീകരണം നോക്കുക.