ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്ര്‍ സ്വര്‍ഗത്തില്‍ നിന്ന് ഭൂമിയിലേക്ക് നീട്ടിയിട്ടിരിക്കുന്ന 2: 256 ല്‍ പറഞ്ഞ പൊട്ടിപ്പോകാത്ത പാശമാണ്. ആരാണോ അതിനെ മുറുകെപ്പിടിച്ചത്, അവന്‍ നാഥനെ മുറുകെപ്പിടിച്ച് നേരെച്ചൊവ്വെയുള്ള പാതയിലായിക്കഴിഞ്ഞു എന്ന് 3: 101; 4: 174-175; 5: 48 സൂക്തങ്ങളിലും; നാഥന്‍റെ സമ്മതപത്രമായ അദ്ദിക്ര്‍ കൊണ്ടല്ലാതെ ഒരാളും വിശ്വാസിയാവുകയില്ല എന്ന് 10: 100 ലും പറഞ്ഞിട്ടുണ്ട്. 35: 32 ല്‍ പറഞ്ഞ പ്രകാരം ഗ്രന്ഥം അനന്തരമെടുത്ത പ്രവാചകന്‍റെ ജനതയില്‍ നിന്ന് ആരാണോ അദ്ദിക്ര്‍ ഉപയോഗപ്പെടുത്തി വിശ്വാസിയാകാത്തത്, അവന്‍ തെമ്മാടിയാണ് എന്ന് 32: 18 ലും; അവന്‍ കാഫിറാണ് എന്ന് 64: 2 ലും പറഞ്ഞിട്ടുണ്ട്. ത്രികാലജ്ഞാനമായ അദ്ദിക്ര്‍ ഭൂമിയിലേക്ക് അവതരിപ്പിക്കുക വഴി ത്രികാലജ്ഞാനിയായ നാഥന്‍ നിഷ്പക്ഷവാനായിരിക്കുന്നു. അതുകൊണ്ട് അവന്‍ ഒരാളെയും സ്വര്‍ഗത്തിലേക്കുള്ള ഏക പാതയിലേക്കോ നരകത്തിലേക്കുള്ള വിഭിന്ന പാതകളിലേക്കോ നയിക്കുന്നില്ല. ഒരാള്‍ക്കും രണ്ട് ഹൃദയങ്ങള്‍ നല്‍കിയിട്ടില്ല എന്ന് 33: 4 ല്‍ പറഞ്ഞതിന്‍റെ വിവക്ഷ ഒരാളില്‍ വിശ്വാസവും നിഷേധവും ഒരേ സമയം സമ്മേളിക്കുകയില്ല എന്നാണ്. 

               ആദം മുതല്‍ അന്ത്യനാള്‍ വരെയുള്ള നബിമാരും പ്രവാചകന്മാരും വിശ്വാസികളും ചെയ്തുവരുന്ന, 7: 205-206 സൂക്തങ്ങളില്‍ വിവരിച്ചിട്ടുള്ള തിലാവത്തിന്‍റെ സാഷ്ടാംഗപ്രണാമം നിര്‍വ്വഹിക്കാത്തവര്‍ ഭൂമിയില്‍ നിന്നുള്ള മുഴുവന്‍ സ്വര്‍ണവും ലഭിച്ചിട്ട് തെണ്ടം നല്‍കിയാലും വിധിദിവസത്തെ വേദനാജനകമായ ശിക്ഷയില്‍ നിന്ന് രക്ഷപ്പെടുകയില്ല എന്ന് 3: 90-91; 5: 36 സൂക്തങ്ങളില്‍ ഫുജ്ജാറുകള്‍ വായിച്ചിട്ടുണ്ട്. ശപിക്കപ്പെട്ട കപടവിശ്വാസികളും അവരെ അന്ധമായി പിന്‍പറ്റുന്ന അനുയായികളും നാഥനെക്കുറിച്ച് ദുഷിച്ച ധാരണ വെച്ചുപുലര്‍ത്തുന്നവരും പിശാചിനെ സേവിച്ചുകൊണ്ടിരിക്കുന്നവരുമാണെന്നും അവരോട് വാഗ്ദത്തം ചെയ്യപ്പെട്ടിട്ടുള്ളത് നരകക്കുണ്ഠത്തിലെ അഗ്നിയാണെന്നും 9: 67- 68 സൂക്തങ്ങളില്‍ വിവരിച്ചിട്ടുണ്ട്. ചിന്താശക്തി ഉപയോഗപ്പെടുത്താത്ത ഇത്തരം ഭ്രാന്തന്മാര്‍ മാലിന്യമാണെന്നും, അപ്പോള്‍ അവരെ ശുദ്ധീകരിക്കാന്‍ സാധ്യമല്ലെന്നും, ഇജാസില്‍ ഇമാം മഹ്ദി വരുന്നതോടുകൂടി അവര്‍ അവിടെനിന്ന് പുറത്താക്കപ്പെടുമെന്നും 7: 127, 137; 9: 28, 95 സൂക്തങ്ങളിലും വിവരിച്ചിട്ടുണ്ട്. 4: 1-2; 7: 203; 8: 2-4 വിശദീകരണം നോക്കുക.