'ഓ നബിയായിട്ടുള്ളവനേ! നിനക്കും വിശ്വാസികളില്‍ നിന്ന് നിന്നെ പിന്‍പറ്റുന്നവര്‍ക്കും അല്ലാഹു മതി' എന്നും ഈ സൂക്തത്തിന് ആശയമാകാം. 12: 108 ല്‍, പ്രവാചകനോടും വിശ്വാസിയോടും: ഇതാണ് എന്‍റെ മാര്‍ഗ്ഗം, ഞാന്‍ നിങ്ങളെ അല്ലാഹുവിലേക്കാണ് വിളിക്കുന്നത്, ഞാനും എന്നെ പിന്‍പറ്റുന്നവരും ഒരു കാഴ്ചപ്പാടിലാണുള്ളത്, അല്ലാഹു ഏറ്റവും പരിശുദ്ധനാണ്, ഞാന്‍ അവനില്‍ ഒന്നിനെയും പങ്കുചേര്‍ക്കുന്നവരില്‍ പെട്ടവനുമല്ല എന്ന് പറയാനും, 28: 87 ല്‍ അല്ലാഹുവിന്‍റെ സൂക്തങ്ങള്‍ നിനക്ക് അവതരിക്കപ്പെട്ടതിനുശേഷം നിന്നെ അവയെത്തൊട്ട് ഒന്നും തടയാവുന്നതല്ല, നീ നിന്‍റെ നാഥനിലേക്ക് വിളിക്കുകയും ചെയ്യുക, നീ അവന്‍റെ അധികാരാവകാശങ്ങളില്‍ ഒന്നിനെയും പങ്കുചേര്‍ക്കരുത് എന്നും പറഞ്ഞിട്ടുണ്ട്. കപടവിശ്വാസികളെയും അവരുടെ അനുയായികളായ കാഫിറുകളെയും അനുസരിക്കരുത് എന്ന് പ്രവാചകനോടും അതുവഴി വിശ്വാസികളോടും 33: 1, 48 സൂക്തങ്ങളിലൂടെയും കല്‍പിച്ചിട്ടുണ്ട്. 14: 30 പ്രകാരം അവരോട്, നിങ്ങള്‍ ഇവിടെ കുറച്ചുകാലം സുഖിച്ചുകൊള്ളുക, പിന്നെ നിശ്ചയം! നിങ്ങളുടെ മടക്കം നരകക്കുണ്ഠത്തിലേക്കാണ് എന്ന് പറയാന്‍ കല്‍പിച്ചിട്ടുണ്ട്. 2: 113; 4: 150-151; 5: 67 വിശദീകരണം നോക്കുക.