ഇന്ന് ലോകത്ത് എവിടെയും വിശ്വാസികളുടെ ഒരു സംഘമില്ലാത്തതിനാല്‍ നിര്‍ബന്ധദാനം ശേഖരിക്കലും വിതരണം ചെയ്യലും നടപ്പിലാക്കാന്‍ സാധ്യമല്ല. എന്നാല്‍ അദ്ദിക്റിനെ സത്യപ്പെടുത്തി ജീവിക്കുന്ന, 2: 5, 265; 9: 60 സൂക്തങ്ങളില്‍ വിവരിച്ച പ്രകാരം ജീവിതലക്ഷ്യബോധമുള്ള വിശ്വാസി അവന്‍റെ സമ്പത്തും മറ്റെല്ലാ അനുഗ്രഹങ്ങളും അദ്ദിക്റിന്‍റെ വെളിച്ചത്തില്‍ ഉപയോഗപ്പെടുത്തുന്നതാണ്. 4: 64 ല്‍ വിവരിച്ച പ്രകാരം പ്രവാചകന്‍റെ കാലത്ത് ആരെങ്കിലും തന്‍റെ ആത്മാവിനോട് അക്രമം കാണിച്ചാല്‍ അവര്‍ പ്രവാചകന്‍റെ അടുത്ത് വന്ന് പ്രവാചകനോട് എല്ലാം വിശദീകരിച്ച് പറയുകയും അവര്‍ സ്വയം നാഥനോട് പൊറുക്കലിനെത്തേടുകയും പ്രവാചകന്‍ അവര്‍ക്കുവേണ്ടി പൊറുക്കലിനെത്തേടുകയും ചെയ്താല്‍ അത്തരക്കാര്‍ക്ക് നാഥന്‍ പൊറുത്തുകൊടുക്കുന്നതാണ്. 

ഇന്ന് അദ്ദിക്ര്‍ ഒരു ഗ്രന്ഥമായി രൂപപ്പെട്ടതിനാല്‍ ആരാണോ സ്വര്‍ഗത്തിലേക്ക് തിരിച്ചുപോകാന്‍ ഉദ്ദേശിക്കുന്നത്, അവന്‍ അതിനെ ടിക്കറ്റായി ഉപയോഗപ്പെടുത്തുകയും 9: 71-72 സൂക്തങ്ങളില്‍ വിവരിച്ച പ്രകാരം അവന്‍റെ കഴിഞ്ഞുപോയ പാപങ്ങള്‍ക്ക് പശ്ചാത്തപിച്ച് മടങ്ങുകയും 25: 68-71 സൂ ക്തങ്ങളില്‍ വിവരിച്ച പ്രകാരം വന്‍കുറ്റങ്ങള്‍ക്ക് പ്രായശ്ചിത്തം നല്‍കുകയും വേണം. തെറ്റുകുറ്റങ്ങള്‍ തിരിച്ചറിയാനുള്ള ഗ്രന്ഥമായ അദ്ദിക്ര്‍ ലോകര്‍ക്ക് എത്തിച്ചുകൊടുത്ത് അവരെ തെറ്റുകുറ്റങ്ങളില്‍ നിന്ന് അകന്നുനില്‍ക്കാന്‍ സഹായിക്കലും ആയിരം സമുദായങ്ങളില്‍ പെട്ട ജീവികളുടെ ക്ഷേമം ലക്ഷ്യം വെച്ച് ജൈവകൃഷി ചെയ്യലുമാണ് പ്രായശ്ചിത്തത്തിനുള്ള ഏറ്റവും ഉചിതമായ മാര്‍ഗം. അദ്ദിക്റിനെ സത്യപ്പെടുത്തി ജീവിക്കുന്ന വിശ്വാസികള്‍ക്ക് അറബി ഖുര്‍ആന്‍ വായിക്കുന്ന ഫുജ്ജാറുകളെ അനുസരിക്കാനോ, 9: 68, 80, 84-85 സൂക്തങ്ങളില്‍ വിവരിച്ച പ്രകാരം അവര്‍ കാഫിറായി ജീവന്‍ വെടിയുമ്പോള്‍ അവര്‍ക്കുവേണ്ടി മയ്യിത്ത് നമസ്കരിക്കാനോ പൊറുക്കലിനെത്തേടാനോ അനുവാദമില്ല. 2: 276, 279; 4: 78-79; വിശദീകരണം നോക്കുക.