9: 118 ല്‍, പശ്ചാത്താപം സ്വീകരിക്കപ്പെട്ട 3 പേരുടെ കാര്യത്തില്‍ അവതരിച്ചിട്ടുള്ളതാണ് ഈ സൂക്തം. തെറ്റുപറ്റിയ വിശ്വാസികളായിരുന്നുവെങ്കിലും കപടവിശ്വാസികളെപ്പോലെ ഇവരും തബൂക്കിലേക്ക് പുറപ്പെടാത്തവരായിരുന്നതിനാല്‍ അവരുടെ കാര്യത്തില്‍ തീരുമാനമെടുക്കുന്നത് നീട്ടിവെക്കപ്പെടുകയാണുണ്ടായത്. അവര്‍ക്ക് തങ്ങളുടെ തെറ്റിന്‍റെ ഗൗരവം മനസ്സിലാക്കി പശ്ചാത്താപിക്കാന്‍ അവസരം ലഭിക്കാനും വിശ്വാസികള്‍ക്കിടയില്‍ ഇത്തരം തെറ്റുകള്‍ ആവര്‍ത്തിക്കാതിരിക്കാനും വേണ്ടിയായിരുന്നു അത്. ഇന്ന് ഈ സൂക്തങ്ങള്‍ വായിക്കുന്ന കപടവിശ്വാസികളും അവരെ അന്ധമായി പിന്‍പറ്റുന്ന അനുയായികളും അദ്ദിക്ര്‍ കേള്‍ക്കാന്‍ തയ്യാറാകാത്ത ബധിരരും കാണാന്‍ തയ്യാറാകാത്ത അന്ധരും അതിനെക്കുറിച്ച് ലോകരോട് പറയാന്‍ തയ്യാറാകാത്ത ഊമരുമാണ്. അതുകൊണ്ട് അവര്‍ നേരെച്ചൊവ്വെയുള്ള പാതയിലേക്ക് തിരിച്ച് വരികയില്ല. 7: 40; 36: 59-62 സൂക്തങ്ങളില്‍ വിവരിച്ച പ്രകാരം ഇത്തരം ഭ്രാന്തന്മാര്‍ പിശാചിനെ സേവിക്കുന്നവരും മസീഹുദ്ദജ്ജാലിനെ ആനയിച്ചുകൊണ്ടിരിക്കുന്നവരുമാണ്. 3: 128-129; 8: 50-51; 9: 80-82 വിശദീകരണം നോക്കുക.