അദ്ദിക്ർ

ഈ സൂക്തം അവതരിക്കുന്ന കാലത്ത് ഗ്രന്ഥം ക്രോഡീകരിക്കപ്പെട്ടിരുന്നില്ല. അ തുകൊണ്ട് കപടവിശ്വാസികള്‍ അവരുടെ കഴിഞ്ഞുപോയ പ്രവര്‍ത്തനങ്ങളില്‍ പശ്ചാത്തപിക്കുകയും വിശ്വാസികളോടൊപ്പം നമസ്കാരം നിലനിര്‍ത്തുകയും സകാത്ത് നല്‍കുകയുമാണെങ്കില്‍ ദീനില്‍ അവരെ വിശ്വാസികളുടെ സഹോദരങ്ങളായി പരിഗണിക്കുന്ന താണ്. നിശ്ചയം! കപടവിശ്വാസികള്‍ നരകത്തിന്‍റെ അടിത്തട്ടിലാണ്; ആരാണോ പശ്ചാത്തപിച്ച് മടങ്ങുകയും കര്‍മങ്ങള്‍ നന്നാക്കിത്തീര്‍ക്കുകയും നാഥനെ മുറുകെപ്പിടിക്കുകയും മൊത്തം ജീവിതം നാഥന് സമര്‍പ്പിച്ചുകൊണ്ട് ജീവിക്കുകയും ചെയ്യുന്നത്, അക്കൂട്ടര്‍ വിശ്വാസികളോടൊപ്പമാണ്, നിശ്ചയം വിശ്വാസികള്‍ക്ക് മഹത്തായ പ്രതിഫലം ഒരുക്കിവെച്ചിരിക്കുന്നു എന്ന് 4: 145-146 ല്‍ പറഞ്ഞിട്ടുണ്ട്.

41: 41-42 ല്‍ പറഞ്ഞ ത്രികാലജ്ഞാനിയില്‍ നിന്നുള്ള മിഥ്യയൊന്നും കടന്നുകൂ ടാത്ത അജയ്യഗ്രന്ഥമായ അദ്ദിക്ര്‍ ഇന്ന് രൂപപ്പെട്ടിരിക്കെ അതുകൊണ്ടല്ലാതെ ഒരാളും വി ശ്വാസിയാവുകയോ, ഒരാളില്‍ നിന്നും പ്രാര്‍ത്ഥനയോ കര്‍മങ്ങളോ സ്വീകരിക്കപ്പെടുക യുമില്ല എന്ന് 2: 111; 9: 53, 85 സൂക്തങ്ങളില്‍ വിവരിച്ചിട്ടുണ്ട്. പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസും അമാനത്തുമായ അദ്ദിക്ര്‍ മൂടിവെച്ചതുകൊണ്ടാണ് ഈസാ രണ്ടാമതുവന്നാല്‍ കല്ലുകളാലും മരങ്ങളാലും വിളിച്ചുപറയപ്പെട്ട് 8: 22 ല്‍ ദുഷ്ടജീവികള്‍ എന്ന് വിശേഷിപ്പിക്കപ്പെട്ട ഇവര്‍ വധിക്കപ്പെടുന്നത്. വിശ്വാസികളുടെ സംഘമില്ലാത്ത ഇക്കാലത്ത് ഒറ്റപ്പെട്ട വിശ്വാസി സ്വീകരിക്കേണ്ട പ്രാര്‍ത്ഥനാ രീതിയും ജീവിതരീ തിയും 7: 205-206 ല്‍ വിവരിച്ചിട്ടുണ്ട്. 3: 19-21, 91; 8: 48-50 വിശദീകരണം നോക്കുക.