അമാനത്തായ അദ്ദിക്ര്‍ അവതരിപ്പിച്ചിട്ടുള്ളത് കപടവിശ്വാസികളെയും അവരുടെ അനുയായികളായ മുശ്രിക്കുകളെയും ശിക്ഷിക്കാന്‍ വേണ്ടിയും വിശ്വാസികളായ പുരുഷന്മാരുടെയും സ്ത്രീകളുടെയും പശ്ചാത്താപം സ്വീകരിക്കുന്നതിന് വേണ്ടിയുമാണ് എന്ന് 33: 73 ല്‍ പറഞ്ഞിട്ടുണ്ട്. നാഥനെ പരിചയപ്പെടുത്തുന്നതിന് വേണ്ടി ത്രികാലജ്ഞാനമായ അദ്ദിക്റിനെ ലോകര്‍ക്ക് എത്തിച്ചുകൊടുക്കുന്നവരാണ് നാഥനെ സേവിക്കുന്നവരും സഹായിക്കുന്നവരും. അദ്ദിക്ര്‍ സത്യപ്പെടുത്തി ജീവിക്കുന്ന ആയിരത്തില്‍ ഒന്നായ വിശ്വാസി 7: 205-206 സൂക്തങ്ങളില്‍ വിവരിച്ച പ്രകാരം പ്രഭാതപ്രദോഷങ്ങളില്‍ അദ്ദിക്ര്‍ വായിക്കുന്നതും സുദീര്‍ഘമായ ഒറ്റ സാഷ്ടാംഗപ്രണാമം -ആത്മാവുകൊണ്ട് നാഥനെ വാഴ്ത്തിക്കൊണ്ടും സ്തുതിച്ചുകൊണ്ടും- നിര്‍വഹിക്കുന്നതുമാണ്. 9: 67-68 സൂക്തങ്ങളില്‍ വിവരിച്ച പ്രകാരം കപടവിശ്വാസികളായ പുരുഷന്മാരും സ്ത്രീകളും കുഫ്ഫാറുകളായ പുരുഷന്മാരും സ്ത്രീകളും ഒരേ വിഭാഗത്തില്‍ പെട്ടവരും തിന്മ കല്‍പിക്കുന്നവരും നന്മ വിരോധിക്കുന്നവരുമാണെങ്കില്‍, 9: 71-72 സൂക്തങ്ങളില്‍ വിവരിച്ച പ്രകാരം വിശ്വാസികളായ പുരുഷന്മാരും സ്ത്രീകളും പരസ്പരം സംരക്ഷകരും നന്മ കല്‍പിക്കുന്നവരും തിന്മ വിരോധിക്കുന്നവരും നാഥനെ കണ്ടുകൊണ്ട് ചരിക്കുന്നവരുമാണ്. 3: 101; 4: 174-175; 5: 48 സൂക്തങ്ങളില്‍ വിവരിച്ച പ്രകാരം ആരാണോ അദ്ദിക്റിനെ മുറുകെപ്പിടിച്ചത്, അവന്‍ നാഥനെ മുറുകെപ്പിടിച്ച് നേരെച്ചൊവ്വെയുള്ള പാതയിലായിക്കഴിഞ്ഞു. 'അപ്പോള്‍ വിശ്വാസികള്‍ക്ക് സന്തോഷവാര്‍ത്ത അറിയിക്കുക' എന്ന് പറഞ്ഞുകൊണ്ടാണ് 61: 13 ഉം അവസാനിക്കുന്നത്. ഫുജ്ജാറുകള്‍ ഏറ്റവും നല്ല ഗ്രന്ഥമായ അദ്ദിക്റിനെ സത്യപ്പെടുത്തി ജീവിക്കാത്തവരായതിനാല്‍ അവരില്‍ നിന്നുള്ള ഏതൊരാളുടെയും മരണസമയത്ത് നാഥന്‍ അവനോട് 'നീ കാഫിറുകളില്‍ പെട്ടവനായിരുന്നു' എന്ന് പറയുമെന്ന് 39: 59 ല്‍ പറഞ്ഞിട്ടുണ്ട്. 2: 186; 4: 17-18; 39: 53-55 സൂക്തങ്ങളില്‍ പ്രാര്‍ത്ഥനക്ക് ഉത്തരം ലഭിക്കാനും കര്‍മങ്ങള്‍ സ്വീകരിക്കപ്പെടാനും പശ്ചാ ത്താപം സ്വീകരിക്കപ്പെടാനുമുള്ള ഉപാധികള്‍ പറഞ്ഞിട്ടുണ്ട്.