നിശ്ചയം എല്ലാ ഓരോ വര്‍ഷവും അവര്‍ ഒന്നോ അല്ലെങ്കില്‍ രണ്ടോ തവണ പരീക്ഷിക്കപ്പെട്ടുകൊണ്ടിരിക്കുന്നത് അവര്‍ കാണുന്നില്ലേ? എന്നിട്ടും അവര്‍ ഖേ ദിച്ചു മടങ്ങുന്നവരോ അവര്‍ ഹൃദയം കൊണ്ട് ഓര്‍മിക്കുന്നവരോ ആകുന്നില്ല.
എല്ലാഓരോവര്‍ഷവും ഒന്നുരണ്ട് തവണയെങ്കിലും വിശ്വാസം പരീക്ഷണത്തിന് വിധേയമാക്കപ്പെടുകയും അതിന്‍റെ ഉള്ളുകളളി പുറത്തുകൊണ്ടുവരികയും ചെയ്യുന്ന സംഭവങ്ങള്‍ ഉണ്ടാവാതെ മദീനയില്‍ കടന്നുപോയിരുന്നില്ല. ചിലപ്പോള്‍ യുദ്ധത്തിനുള്ള കല്‍പന കൊണ്ടോ ധനം ചെലവഴിക്കുന്നതിനുള്ള കല്‍പനകൊണ്ടോ അവരുടെ ദേഹേച്ഛക്കും സമുദായതാല്‍പര്യങ്ങള്‍ക്കും വിരുദ്ധമായ നിയമങ്ങള്‍ ഉള്‍ക്കൊള്ളുന്ന സൂക്തങ്ങളുടെ അവതരണം കൊണ്ടോ പരീക്ഷിക്കപ്പെടുന്ന സന്ദര്‍ഭങ്ങളിലെല്ലാം കപടവിശ്വാസികളുടെ കാപട്യം പുറത്ത് വന്നിരുന്നു. ജീവിതലക്ഷ്യത്തെക്കുറിച്ചുള്ള ബോധം നഷ്ടപ്പെട്ടവരായതിനാല്‍ അവര്‍ക്ക് ഇതില്‍നിന്ന് ഒരുപാഠവും ഉള്‍ക്കൊള്ളാന്‍ കഴിഞ്ഞിരുന്നില്ല, മറിച്ച് ഓരോ സംഭവവികാസങ്ങളും -7: 176 ല്‍ പറഞ്ഞ ഉപദ്രവിച്ചാലും ഇല്ലെങ്കിലും മാറ്റം വരാത്ത നായയെപ്പോലെ- അവരുടെ തൊലിക്കട്ടി വര്‍ദ്ധിപ്പിക്കാനേ ഉപകരിച്ചിരുന്നുള്ളു. മനുഷ്യരുടെ ഐക്യത്തിനുവേണ്ടി വാദിക്കുന്നതിനുപകരം ജൂതന്‍മാരെപ്പോലെ സാമുദായിക ഐക്യത്തിനുവേണ്ടി വാദിക്കുന്നവരാണ് കപടവിശ്വാസികള്‍. സൂക്തം 9: 6 അവഗണിച്ചുകൊണ്ട് നിരപരാധികളായ അല്ലാഹുവിന്‍റെ സൃഷ്ടികളെ സ്വയംബോംബായും മറ്റും കൊല്ലുന്നതിന് പ്രേരിപ്പിക്കുന്ന അല്ലെങ്കില്‍ അത്തരം പ്രവൃത്തികള്‍ ചെയ്യുന്നവരെ മനസ്സുകൊണ്ടെങ്കിലും വെറുക്കാത്ത ഇത്തരം കപടന്‍മാര്‍ തന്നെയാണ് അതിന്‍റെയെല്ലാം പാപഭാരം വഹിക്കേണ്ടിവരികയെന്ന് അവര്‍ക്ക് ബോധ്യമില്ല. ഒരു തിന്മ കണ്ടാല്‍ അത് കൈകൊണ്ട് തടയുക, അല്ലെങ്കില്‍ വായകൊണ്ട് തടയുക, അതിനും സാധ്യമല്ലെങ്കില്‍ ആ തിന്മയെ മനസ്സുകൊണ്ട് വെറുക്കുകയെങ്കിലും ചെയ്യുക എന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്.
അദ്ദിക്ര്‍ മുറുകെപ്പിടിച്ചുകൊണ്ട് 3: 79 ല്‍ പറഞ്ഞ പ്രകാരം ഭൂമിയിലെവിടെയും തലയുയര്‍ത്തിക്കൊണ്ട് നടക്കാന്‍ കല്‍പിക്കപ്പെട്ട, 35: 32 ല്‍ പറഞ്ഞ പ്രകാരം ഗ്രന്ഥം അനന്തരമെടുത്ത പ്രവാചകന്‍റെ ജനത ഇന്ന് ലോകത്തെവിടെയും ഇതരജനവിഭാഗങ്ങളാല്‍ കാര്‍ക്കിച്ചുതുപ്പപ്പെടുന്നവരും അടിച്ചമര്‍ത്തപ്പെടുന്നവരും വധിക്കപ്പെടുന്നവരുമായിട്ടുണ്ടെങ്കില്‍ അത് ഗ്രന്ഥം മുന്നറിയിപ്പ് നല്‍കിയിട്ടുള്ളതും ഇത്തരം കപടന്‍മാരുടെ പ്രവൃത്തിദോഷങ്ങളാല്‍ സംഭവിക്കുന്നതുമാണ്. അദ്ദിക്ര്‍ മൂടിവെക്കുന്ന ജനത്തിന് ഇഹത്തില്‍ നിന്ദ്യതയും പരത്തില്‍ അതികഠിനമായ ശിക്ഷയുമാണ് 2: 85 ല്‍ വാഗ്ദത്തം ചെയ്തിട്ടുള്ളത്.
5: 48; 6: 165 സൂക്തങ്ങളില്‍ വിവരിച്ച പ്രകാരം സ്വര്‍ഗത്തില്‍ സൃഷ്ടിക്കപ്പെട്ട മനു ഷ്യരെ ഭൂമിയില്‍ നിയോഗിച്ചിട്ടുള്ളത് അവരവര്‍ക്ക് നല്‍കപ്പെട്ടതില്‍ ഓരോരുത്തരെയും പരീക്ഷിക്കുന്നതിന് വേണ്ടിയാണെന്ന ബോധമുള്ളവരാണ് വിശ്വാസികള്‍. ഇന്ന് കപടവിശ്വാസികള്‍ക്ക് അവരുടെത്തന്നെ പ്രവര്‍ത്തനത്തിന്‍റെ ഫലമായി എന്തെങ്കിലും വിപത്തുകള്‍ സംഭവിക്കുകയാണെങ്കില്‍ 3: 154 ല്‍ പറഞ്ഞ പ്രകാരം പ്രവാചകന്‍റെ കാലത്തുള്ള ക പടവിശ്വാസികള്‍ അവര്‍ക്ക് ഉഹ്ദ് യുദ്ധത്തില്‍ സംഭവിച്ച വിപത്തുകള്‍ക്ക് പ്രവാചകനെ കുറ്റപ്പെടുത്തിയിരുന്നതുപോലെ മറ്റുള്ളവരെ പഴിചാരുന്നതാണ്. അദ്ദിക്റിനെ വിസ്മരിച്ച് ജീവിക്കുന്ന ഈ കെട്ടജനതക്ക് 4: 78 ല്‍ വിവരിച്ച പ്രകാരം നാഥന്‍റെ സംസാരമായ അദ്ദി ക്ര്‍ മനസിലാവുകയില്ല. മിഥ്യാധാരണകള്‍ വെച്ചുപുലര്‍ത്തുന്ന ഈ ജനത നാഥനെ നിഷ്പക്ഷവാനായി പരിഗണിക്കാത്തവരായതിനാല്‍ 4: 79 ല്‍ വിവരിച്ച പ്രകാരം തിന്മ ബാധി ക്കുന്നത് പിശാചില്‍ നിന്നാണെന്ന് തിരിച്ചറിയാത്തവരാണ്. അഥവാ തന്‍റെ ജിന്നുകൂട്ടു കാരനെ അദ്ദിക്ര്‍ കൊണ്ട് വിശ്വാസിയാക്കാത്തതിനാലാണ് എന്ന് തിരിച്ചറിയാത്തവരാണ്. 3: 26-27 സൂക്തങ്ങളില്‍ വിവരിച്ചതുപോലെ പ്രവാചകനും വിശ്വാസികളും പ്രപഞ്ചത്തിലെ എല്ലാ ജീവികള്‍ക്കും ഗുണം ലഭിക്കത്തക്കവണ്ണം ഭരണം നടത്തുന്നവര്‍ തെരഞ്ഞെടുക്ക പ്പെടാനാണ് ആഗ്രഹിക്കുകയും പ്രാര്‍ത്ഥിക്കുകയും ചെയ്യുക എങ്കില്‍ കപടവിശ്വാസികളും അവരുടെ അനുയായികളുമായ അറബി ഖുര്‍ആന്‍ വായിക്കുന്ന ഫുജ്ജാറുകള്‍ അവരുടെ മതത്തില്‍ പെട്ടവര്‍ക്ക് ഗുണം ലഭിക്കുന്നവരെ അധികാരത്തില്‍ കൊണ്ടുവരാന്‍ വേണ്ടി ആഗ്രഹിക്കുന്നവരും പ്രവര്‍ത്തിക്കുന്നവരുമാണ്. ഇത്തരം മനുഷ്യപ്പിശാചുക്കളാണ് 'വധത്തിന് പ്രതിക്രിയയായിക്കൊണ്ടോ ഭൂമിയില്‍ നശീകരണ പ്രവര്‍ത്തനങ്ങളില്‍ ഏര്‍പ്പെട്ടതിന്‍റെ പേരിലോ അല്ലാതെ ആരെങ്കിലും ഒരാളെ വധിക്കുകയാണെങ്കില്‍ അവന് മനുഷ്യസമുദായത്തെ മുഴുവന്‍ വധിച്ചതിനുള്ള പാപഭാരം വഹിക്കേണ്ടിവരുമെന്നും, എന്നാല്‍ ആരെങ്കിലും ഒരാള്‍ക്ക് ജീവന്‍ നല്‍കുകയാണെങ്കില്‍ അവന് മൊത്തം മനുഷ്യരെ ജീവിപ്പിച്ചതിനുള്ള പുണ്യം ലഭിക്കുമെന്നും, നിശ്ചയം നമ്മുടെ പ്രവാചകന്മാര്‍ അവരിലേക്ക് വെളിപാടും കൊണ്ട് വന്നിട്ടുണ്ട്, എന്നാല്‍ അവരില്‍ അധികപേരും അതിനുശേഷവും അതിരുകവിയുന്നവരാണ്' എന്നും 5: 32 ല്‍ വായിക്കുന്നത്. എന്നാല്‍ അവരില്‍ ഒരു വിഭാഗം പിശാചിന്‍റെ മാര്‍ഗത്തിലുള്ള ജിഹാദില്‍ പെട്ട തീവ്രവാദപ്രവര്‍ത്തനങ്ങളില്‍ ഏര്‍പ്പെട്ടവരാണെങ്കില്‍ അവരിലെ മറ്റു വിഭാഗങ്ങള്‍ ഇത്തരം തീവ്രവാദ പ്രവര്‍ത്തനങ്ങളെ വെറുക്കുകയോ തിരുത്തുകയോ ചെയ്യാത്തവരാണ്. അതുകൊണ്ട് ലോകത്ത് ഏതൊരു ജീവിയും സഹിക്കുന്ന പ്രയാസങ്ങളുടെ പാപഭാരം വഹിക്കേണ്ടിവരിക 9: 28 ല്‍ പറഞ്ഞ ഇത്തരം മാലിന്യമായ കപടവിശ്വാസികളും അവരുടെ മുശ്രിക്കുകളായ അനുയായികളുമാണെന്ന് 6: 26; 9: 91; 20: 99-101 സൂക്തങ്ങളില്‍ വിവരിച്ചിട്ടുണ്ട്. 3: 166-167; 6: 26-28; 9: 5, 123 വിശദീകരണം നോക്കുക.