മൊത്തം ലോകര്‍ക്ക് കാരുണ്യമായിട്ടല്ലാതെ പ്രവാചകനെ നാം അയച്ചിട്ടില്ല എന്ന് 21: 107 ലും; നിന്നെ (പ്രവാചകനെ) പിന്‍പറ്റുന്ന വിശ്വാസികളില്‍ നിന്നുള്ളവര്‍ക്ക് നിന്‍റെ ചിറകുകള്‍ താഴ്ത്തിക്കൊടുക്കുക എന്ന് 26: 215 ലും പറഞ്ഞിട്ടുണ്ട്. കാരുണ്യമായ അദ്ദിക്ര്‍ പ്രവാചകന്‍റെമേല്‍ അവതരിപ്പിച്ചതുകൊണ്ടാണ് പ്രവാചകന്‍ സര്‍വലോകര്‍ക്കും കാരുണ്യവാനായത്. എന്നാല്‍ ഇന്ന് 9: 65 ല്‍ വിവരിച്ച പ്രകാരം അദ്ദിക്റിനെ തള്ളിപ്പറഞ്ഞുകൊണ്ട് അല്ലാഹുവിനെയും പ്രവാചകനെയും പരിഹസിക്കുന്നവരാണ് ഫുജ്ജാറുകള്‍. 3: 21-22 സൂക്തങ്ങളില്‍ വിവരിച്ച പ്രകാരം നബിമാരുടെയും പ്രവാചകന്മാരുടെയും പേരുവെച്ച് ഏറ്റവും ദുഷിച്ച ജീവിതമാര്‍ഗം പിന്‍പറ്റുന്ന കുഫ്ഫാറുകള്‍ യഥാര്‍ത്ഥത്തില്‍ നാഥന്‍റെ ഗ്രന്ഥത്തെയും പ്രവാചകന്മാരെയുമാണ് കളവാക്കുന്നത്. 4: 158-159 സൂക്തങ്ങളില്‍ വിവരിച്ച പ്രകാരം ഈസാ രണ്ടാമത് വന്നാല്‍ പ്രവാചകന്‍റെ സമുദായത്തില്‍ പെട്ട ഇതര ജനവിഭാഗങ്ങള്‍ അദ്ദിക്റും പ്രവാചകനും ലോകത്തിന് മൊത്തം കാരുണ്യമാണെന്ന് തിരിച്ചറിയുന്നതാണ്. 7: 157-158; 8: 64; 9: 61 വിശദീകരണം നോക്കുക.