9: 2 ല്‍ വിവരിച്ച 4 മാസങ്ങളാണ് ഇവിടെ പറഞ്ഞ യുദ്ധം നിഷിദ്ധമാക്കപ്പെട്ട മാസങ്ങള്‍. സൂക്തം അവതരിക്കുന്ന കാലത്ത് മുശ്രിക്കുകള്‍ എന്നതുകൊണ്ട് ഉദ്ദേശിച്ചിരുന്നത് ഇബ്റാഹീം, ഇസ്മാഈല്‍ എന്നിവരുടെ സന്തതിപരമ്പരകളാണെന്ന് അവകാശപ്പെടുകയും അവരുടെ മാര്‍ഗമാണ് ഞങ്ങള്‍ പിന്‍പറ്റുന്ന തെന്ന് വാദിക്കുകയും ചെയ്തിരുന്ന വിഗ്രഹാരാധകരായ മക്കാമുശ്രിക്കുകളെയായിരുന്നു. എന്നാല്‍ ഇന്ന് 30: 30-32 സൂക്തങ്ങളില്‍ വിവരിച്ച പ്രകാരം, അദ്ദിക്ര്‍ സമര്‍പ്പിക്കുന്ന അല്ലാഹുവിന്‍റെ നേരെചൊവ്വെയുള്ള ജീവിത വ്യവസ്ഥയില്‍ നിന്ന് ഭിന്നിച്ച്, 58: 22 ല്‍ പറഞ്ഞ അല്ലാഹുവിന്‍റെ ٴഏകസംഘത്തി ല്‍ ഉള്‍പ്പെടാതെ 58: 19 ല്‍ പറഞ്ഞ പിശാചിന്‍റെ വിവിധ സംഘങ്ങളില്‍ ഉള്‍പെടുകയും ഇസ്ലാമിന്‍റെ ലേബലില്‍ തന്നെ അറിയപ്പെടുകയും ചെയ്യുന്ന വിവി ധ സംഘടനക്കാരാണ്.

 33: 73; 98: 6 തുടങ്ങിയ സൂക്തങ്ങളില്‍ പറഞ്ഞ കപടവിശ്വാസികളും അവരുടെ അനുയായികളായ മുശ്രിക്കുകളും അല്ലാഹുവിനെക്കുറിച്ച് ദുഷിച്ച ധാരണ വെച്ചുപുലര്‍ത്തുന്നവരാണ്. അവരുടെമേല്‍ അല്ലാഹുവിന്‍റെ ശാപവും കോപവും ആപതിച്ചിട്ടുണ്ടെന്നും അവരുടെ മടക്കം നരകക്കുണ്ഠത്തിലേ ക്കാണ് എന്നും 48: 6 ല്‍ പറഞ്ഞിട്ടുണ്ട്. അക്കൂട്ടരാണ് അല്ലാഹുവിന്‍റെയും പ്രവാചകന്‍റെയും വിശ്വാസികളുടെയും ശത്രുക്കള്‍ എന്ന് 41: 26-29; 63: 1-4 സൂക്ത ങ്ങളിലും പറഞ്ഞിട്ടുണ്ട്. അദ്ദിക്ര്‍ ഉപയോഗപ്പെടുത്തി വിശ്വാസിയാകാത്ത ഒരാളില്‍ നിന്നും നമസ്കാരം, നോമ്പ്, ഹജ്ജ്, ഉംറ തുടങ്ങിയ കര്‍മങ്ങളൊന്നും തന്നെ സ്വീകരിക്കപ്പെടുകയില്ല എന്ന് മാത്രമല്ല, 2: 186; 4: 142-143; 7: 179; 25: 65-66 സൂക്തങ്ങളില്‍ വിവരിച്ച പ്രകാരം അവര്‍ ഇവിടെ ലക്ഷ്യബോധമില്ലാതെ ജീവിച്ചതിന് പിഴയായി നരകക്കുണ്ഠമാണ് അവര്‍ക്ക് ലഭിക്കുക. ഇന്ന് ലോകത്തൊരിടത്തും വിശ്വാസികളുടെ സംഘമില്ലാത്തതിനാല്‍ ഈ സൂക്തത്തി ന്‍റെയും 4: 91; 5: 33; 9: 123; 33: 60-61 സൂക്തങ്ങളുടെയും കല്‍പന ഈസാ രണ്ടാമതുവന്നതിനുശേഷം മസീഹുദ്ദജ്ജാലിനെ വധിക്കുന്നതോടുകൂടി, അന്ന് ഇ സ്ലാം അംഗീകരിക്കുന്ന ഇതര ജനവിഭാഗങ്ങളാലാണ് നടപ്പിലാക്കപ്പെടുക. 4: 150-151, 158-159; 7: 175-176; 8: 22 വിശദീകരണം നോക്കുക.