മദീനയിലുണ്ടായിരുന്ന ജൂതന്മാര്‍ പ്രവാചകനെ വധിക്കാന്‍ ഉദ്യമിച്ചതുപോലെ കപടവിശ്വാസികളും തബൂക്കില്‍ നിന്ന് തിരിച്ചുവരുമ്പോള്‍ പ്രവാചകനെ വധിക്കാന്‍ ഉദ്യമിക്കുകയുണ്ടായി. എന്നാല്‍ 5: 11 ല്‍ വിവരിച്ച പ്രകാരം ത്രികാലജ്ഞാനിയായ നാഥന്‍ പ്രവാചകനെ രക്ഷപ്പെടുത്തി. പ്രവാചകന്‍റെ കാലത്തുണ്ടായിരുന്ന മദീനയിലെ ജൂതക്രൈസ്തവര്‍ പ്രകാശമായ അദ്ദിക്റിനെ ഊതിക്കെടുത്താന്‍ ശ്രമിച്ചിരുന്നതുപോലെ 9: 32 ല്‍ വിവരിച്ച പ്രകാരം ഇന്നത്തെ കപടവിശ്വാസികളും പ്രകാശമായ അദ്ദിക്റിനെ വായകൊണ്ട് ഊതിക്കെടുത്താന്‍ ശ്രമിക്കുന്നവരാണ്. 5: 15-16; 16: 44 സൂക്തങ്ങളില്‍ വിവരിച്ച പ്രകാരം മുമ്പ് വന്നിട്ടുള്ള 312 ഗ്രന്ഥങ്ങളും അവയുടെ നേരെച്ചൊവ്വെയുള്ള വിശദീകരണങ്ങളും അടങ്ങിയിട്ടുള്ള ഗ്രന്ഥമാണ് അദ്ദിക്ര്‍. അത് അവതരിപ്പിച്ചിട്ടുള്ളത് മനുഷ്യരെ അന്ധകാരങ്ങളില്‍ നിന്ന് പ്രകാശത്തിലേക്ക് പുറപ്പെടുവിക്കുന്നതിന് വേണ്ടിയാണ്. 3: 70 ല്‍ വിവരിച്ച പ്രകാരം കപടവിശ്വാസികളും അവരുടെ അനുയായികളും ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അതിനെ തള്ളിപ്പറയുക എന്നത് ഭക്ഷണമാക്കിയിരിക്കുന്നു. 8: 22 ല്‍ ദുഷ്ടജീവികള്‍ എന്ന് വിശേഷിപ്പിക്കപ്പെട്ട ഇവര്‍ നാഥന്‍റെ ഗ്രന്ഥമായ അദ്ദിക്റിന്‍റെ 40 പേരുകളില്‍ ഒന്നുപോലും മനുഷ്യരോട് പറയാത്തവരാണ്. ഇത്തരം ഭ്രാന്തന്മാര്‍ 'ആവര്‍ത്തിച്ച് വായിക്കുക' എന്ന് അര്‍ത്ഥം വരുന്ന 'ഖുര്‍ആന്‍' എന്ന പദം മാത്രമേ പറയുകയുള്ളൂ. 6: 55; 7: 40 സൂക്തങ്ങളില്‍ വിവരിച്ച പ്രകാരം പിശാചിനെ സേവിച്ചുകൊണ്ട് അന്ത്യദിനത്തിനുവേണ്ടി ധൃതികാണിക്കുന്ന ഈ കെട്ടജനത 4: 158-159; 6: 158 സൂക്തങ്ങളില്‍ വിവരിച്ച പ്രകാരം പ്രവാചകന്‍റെ ഇതരസമുദായങ്ങളില്‍ പെട്ട ജനവിഭാഗങ്ങളാല്‍ വധിക്കപ്പെടുന്നതാണ്. 

ഈ സൂക്തത്തിലും 10: 58; 24: 21; 62: 4 തുടങ്ങിയ സൂക്തങ്ങളിലും പറഞ്ഞ 'ഔദാര്യം' അദ്ദിക്ര്‍ തന്നെയാണ്. 2: 85; 9: 55, 85 സൂക്തങ്ങളില്‍ വിവരിച്ച പ്രകാരം ഔദാര്യമായ അദ്ദിക്റിനെ മനുഷ്യരില്‍ നിന്ന് മൂടിവെക്കുന്നത് ആരാണോ, അവര്‍ക്ക് ഇഹത്തിലും പരത്തിലും ഹീനമായ ശിക്ഷയാണ് വാഗ്ദത്തം ചെയ്തിട്ടുള്ളത്. 2: 159-160; 3: 21-22; 4: 63; 10: 17-18 വിശദീകരണം നോക്കുക.