ഈ സൂക്തം 66: 9 ലും ആവര്‍ത്തിച്ചിട്ടുണ്ട്. തബൂക്കില്‍ നിന്നും തിരിച്ചുവന്നതിനുശേഷം കപടവിശ്വാസികളോട് അതുവരെയുണ്ടായിരുന്ന വിട്ടുവീഴ്ചാപ രമായ നിലപാട് അവസാനിപ്പിച്ച് കര്‍ക്കശമായ നിലപാട് സ്വീകരിക്കണമെന്നാണ് സൂക്തം കല്‍പിക്കുന്നത്. തബൂക്ക് യുദ്ധത്തോടെ അറേബ്യക്ക് പുറ ത്തുള്ള വന്‍ശക്തികളുമായി ഏറ്റുമുട്ടേണ്ടി വന്ന സാഹചര്യത്തില്‍ വിശ്വാസികള്‍ക്കിടയില്‍ ശിഥിലീകരണപ്രവര്‍ത്തനങ്ങള്‍ നടത്തിക്കൊണ്ടിരുന്ന കപടവിശ്വാസികളെ വേര്‍തിരിക്കേണ്ടത് വളരെ അത്യാവശ്യമായിരുന്നു. കപടവിശ്വാസികളില്‍ നിന്ന് തെറ്റ് തിരുത്തി യഥാര്‍ത്ഥ വിശ്വാസത്തിലേക്ക് മടങ്ങണമെന്നുള്ളവര്‍ക്ക് അതിനുള്ള മതിയായ അവസരം ഇതിനകം ലഭിച്ചിട്ടുമുണ്ടായിരുന്നു. സൂക്തം അഭിസംബോധനം ചെയ്യുന്നത് അന്ന് പ്രവാചക നെയും ഇന്ന് അദ്ദിക്റിനെ സത്യപ്പെടുത്തി ജീവിക്കുന്ന വിശ്വാസിയെയുമാണ്. 25: 52 ല്‍, അപ്പോള്‍ നീ കാഫിറുകളെ അനുസരിക്കരുത്, അവരോട് അദ്ദി ക്ര്‍ കൊണ്ട് അധികരിച്ച ജിഹാദ് നടത്തുക എന്ന് കല്‍പിച്ചിട്ടുണ്ട്. ഈ സൂക്തം അവതരിക്കുന്ന കാലത്ത് 41: 41-42 സൂക്തങ്ങളില്‍ പറഞ്ഞ മിഥ്യ കടന്നു കൂടാത്ത അജയ്യമായ അദ്ദിക്ര്‍ ഗ്രന്ഥരൂപത്തില്‍ ക്രോഡീകരിച്ചിരുന്നില്ല. എന്നാല്‍ ഇന്ന് അത് ക്രോഡീകരിക്കപ്പെട്ടിട്ടുള്ളതിനാല്‍ സൂക്തങ്ങള്‍ അടിക്കടി തള്ളിപ്പറയുന്ന കുഫ്ഫാറുകളോടും സൂക്തങ്ങള്‍ വളച്ചൊടിക്കുകയും മൂടിവെക്കുകയും തെറ്റായി വ്യാഖ്യാനിക്കുകയും ചെയ്യുന്ന കപടവിശ്വാസികളോടും അദ്ദിക്ര്‍ കൊണ്ട് 4: 63 ല്‍ വിവരിച്ച പ്രകാരം അധികരിച്ച ജിഹാദ് നടത്തലും അവരോട് കോപം പുലര്‍ത്തലും വിശ്വാസിയുടെ ഒഴിച്ചുകൂടാനാവാത്ത കടമയാണ്. രക്തച്ചൊരിച്ചില്‍, തീവ്രവാദം, നശീകരണ പ്രവര്‍ത്തനങ്ങള്‍ തുടങ്ങി 2: 168-169 സൂക്തങ്ങളില്‍ വിവരിച്ച പൈശാചിക പ്രവൃത്തികള്‍ ഇല്ലാതാക്കാനും മനുഷ്യരുടെ ഐക്യം സ്ഥാപിതമാക്കാനുമുള്ള ശക്തമായ ആയുധവും പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസും അമാനത്തുമായ അദ്ദിക്ര്‍ ലോകര്‍ക്ക് എത്തിച്ചുകൊടുക്കേണ്ടതുമാണ്. കൂടാതെ 2: 142-143 സൂക്തങ്ങളില്‍ വിവരിച്ച പ്രകാരം 1000 സമുദായങ്ങളില്‍ പെട്ട ജീവികളുടെ ക്ഷേമത്തിന് വേണ്ടി ജൈവകൃഷി നടത്തുകയും ഫലവൃക്ഷങ്ങള്‍ വെച്ചുപിടിപ്പിക്കുകയും അതിനുവേണ്ടി മറ്റുള്ളവരെ പ്രേരിപ്പിക്കുകയും സഹായിക്കുകയും ചെയ്യേണ്ടതാണ്. 1: 7; 2: 145; 7: 40; 8: 48; 9: 28 വിശദീകരണം നോക്കുക.