അദ്ദിക്ർ

പ്രവാചകന് എന്തെങ്കിലും ഭവിഷ്യത്ത് സംഭവിക്കുന്നത് പ്രതീക്ഷിച്ചുകൊണ്ടിരുന്ന അബൂജഹല്‍ പ്രവാചകന്‍റെ ആണ്‍മക്കളായ ഖാസിമും അബ്ദുല്ലയും മരണപ്പെട്ടപ്പോള്‍ 'മുഹമ്മദ് കുറ്റിയറ്റുപോയിരിക്കുന്നു, അവന്‍റെ സ്ഥാനം പിന്തുടരാന്‍ മക്കളില്‍ ആരുമില്ല' തുടങ്ങിയ ജല്‍പനങ്ങള്‍ ഉന്നയിച്ചതിന് മറുപടിയായി ഈ സൂക്തം അവതരിപ്പിച്ചു കൊണ്ട് അല്ലാഹു പറയുകയാണ്: 'നീ നശിച്ചുകാണാന്‍ ആഗ്രഹിക്കുന്നവന്‍ തന്നെയാണ് കുറ്റിയറ്റവനും വേരറ്റവനും' എന്ന്. എക്കാലത്തും അദ്ദിക്ര്‍ പറയുന്ന വിശ്വാസികള്‍ നശിച്ചുകാണാന്‍ ആഗ്രഹിക്കുകയും അവരെ 'ഒറ്റപ്പെട്ട നുണപറയുന്നവന്‍' എന്നെല്ലാം പറഞ്ഞ് അവഹേളിക്കുകയും ചെയ്യുക എന്നത് ഫുജ്ജാറുകളുടെ സ്വഭാവമാണ്. കാഫിറായ മസീഹുദ്ദജ്ജാലിനെ ആനയിച്ചുകൊണ്ടിരിക്കുന്ന അവര്‍ ഈസാ രണ്ടാമതുവന്ന് മ സീഹുദ്ദജ്ജാലിനെ വധിക്കുന്നതോടുകൂടി അന്ന് ഇസ്ലാം അംഗീകരിക്കുന്ന ഇതര ജന വിഭാഗങ്ങളാല്‍ വധിക്കപ്പെടുന്നതും 4: 91; 5: 33; 9: 5, 123; 33: 60-61 എന്നീ സൂക്തങ്ങളുടെ കല്‍പ്പന നടപ്പില്‍ വരുന്നതുമാണ്. അപ്പോള്‍ മാത്രമാണ് 38: 8 ല്‍ വിവരിച്ച പ്രകാരം അദ്ദിക്ര്‍-ദിക്രീ-ആയിരുന്നു നാഥനില്‍ നിന്നുളള ഗ്രന്ഥം എന്ന് അവര്‍ക്ക് ബോധ്യം വരിക. 54: 25-26; 63: 1-4; 104: 1-2 വിശദീകരണം നോക്കുക.