32: 28 ല്‍ പറഞ്ഞ പ്രകാരം നിങ്ങള്‍ സത്യസന്ധന്‍മാര്‍ തന്നെയാണെങ്കില്‍ എപ്പോഴാണ് ഈ വിജയം എന്ന കാഫിറുകളുടെ ചോദ്യത്തിന് മറുപടിയായി 32: 29-30 സൂക്തങ്ങളില്‍ 'കാഫിറുകളായവര്‍ക്ക് അവരുടെ വിശ്വാസം സ്വീകരിക്കല്‍ ആ വിജയദിനത്തില്‍ ഒട്ടും പ്രയോജനം ചെയ്യുകയില്ല, അവര്‍ സാവ കാശം നല്‍കപ്പെടുന്നവരാവുകയുമില്ല. അപ്പോള്‍ നീ അവരെ അവഗണിക്കുകയും കാത്തിരിക്കുകയും ചെയ്യുക, നിശ്ചയം അവരും കാത്തിരിക്കുന്ന വരാകുന്നു' എന്ന് പറഞ്ഞിട്ടുണ്ട്.

അടുത്തുതന്നെ എന്നത് കൊണ്ട് ഉദ്ദേശിക്കുന്നത് വ്യക്തികളെ സംബന്ധിച്ച് മരണമാണ്. നിങ്ങള്‍ എന്ന അഭിസംബോധനത്തില്‍ ഗ്രന്ഥം വായിക്കുന്ന വരും കേള്‍ക്കുന്നവരുമാണ് വരിക. നേരെച്ചൊവ്വേയുള്ള പാതയും സന്മാര്‍ഗ്ഗവും അദ്ദിക്ര്‍ തന്നെയാണ്. അദ്ദിക്ര്‍ ലഭിച്ചിട്ട് പിന്‍പറ്റാതിരിക്കുകയും മറ്റു ള്ളവര്‍ക്ക് നല്‍കാതിരിക്കുകയും ചെയ്യുന്ന ഫുജ്ജാറുകള്‍ മരണസമയത്ത് ആത്മാവിനെതിരെ സ്വയം കാഫിറാണെന്ന് സാക്ഷ്യം വഹിക്കുന്നതും അവര്‍ മുഴുവനും നരകത്തില്‍ ഒരുമിച്ച് കൂട്ടപ്പെടുന്നതുമാണ്. 5: 48; 6: 153; 20: 123-127 വിശദീകരണം നോക്കുക.