'തലകുത്തി മറിഞ്ഞു' എന്ന് പറഞ്ഞതിന്‍റെ വിവക്ഷ, 'അവര്‍ ശാരീരികമായി തലകുത്തി മറിഞ്ഞു' എന്നല്ല; മറിച്ച് പെട്ടെന്ന് അവരുടെ നിലപാട് തലകു ത്തി മറിഞ്ഞു എന്നാണ്. 'നിങ്ങള്‍ തന്നെയാണ് അക്രമികളായിട്ടുള്ളവര്‍' എന്ന് ആദ്യം മനസ്സാ സമ്മതിച്ചത് വേണ്ടിയില്ലായിരുന്നു എന്ന് തോന്നിയ അവര്‍ മനസ്സാക്ഷിക്ക് വിരുദ്ധമായി 'വിഗ്രഹങ്ങള്‍ സംസാരിക്കുകയില്ല എന്ന് നിനക്കറിയില്ലേ' എന്ന് ഇബ്റാഹീമിനോട് ചോദിക്കുകയാണുണ്ടായത്.