ഇന്ന് ലോകത്തെവിടെയും വിശ്വാസികളുടെ ഒരുസംഘമില്ലെങ്കിലും എല്ലാവിധ ആപത്തുവിപത്തുകളെത്തൊട്ടും രോഗങ്ങളെത്തൊട്ടും നരകക്കുണ്ഠത്തെത്തൊട്ടും കാത്തുസൂക്ഷിക്കുന്ന മുഹൈമിനായ അദ്ദിക്റിനെ മുറുകെപ്പിടിച്ച് ജീവിക്കുന്ന വിശ്വാസി, ഒറ്റക്കാണെങ്കിലും 1: 4 ല്‍ 'ഞങ്ങള്‍ നിന്നെ മാത്രം സേവിക്കുന്നു, ഞങ്ങള്‍ അതിന് നിന്നോടുമാത്രം സഹായം തേടുകയും ചെയ്യുന്നു' എന്ന് ബഹുവചനത്തില്‍ പറയുന്നതുപോലെ, 'ഞങ്ങള്‍ക്ക് അല്ലാഹു മതി, നിന്നെക്കൂടാതെ മറ്റൊരു ഇലാഹില്ല, ഞങ്ങള്‍ നിന്നിലാണ് ഭരമേല്‍പിച്ചിട്ടുള്ളത്, നീ എല്ലാം അടക്കിഭരിക്കുന്ന (എല്ലാ ജീവജാലങ്ങളുടെയും കടിഞ്ഞാണ്‍ നിയന്ത്രിക്കുന്ന) മഹത്തായ സിംഹാസനത്തിന്‍റെ ഉടമയാണ് എന്ന് പ്രഭാതങ്ങളിലും പ്രദോഷങ്ങളിലും ഏഴുപ്രാവശ്യം ബഹുവചനത്തില്‍ പ്രാര്‍ത്ഥിക്കുന്നതാണ്. അതുവഴി അവര്‍ അല്ലാഹുവിന്‍റെ സംരക്ഷണത്തിലാണെന്നും ഒരു ആപത്തും അവര്‍ക്ക് സംഭവിക്കുകയില്ലെന്നും നാഥന്‍ പ്രവാചകനിലൂടെ പഠിപ്പിച്ചിട്ടുണ്ട്. വിശ്വാസിയായ നാഥന്‍റെ പ്രതിനിധിയായി ജീവിക്കുന്ന അവര്‍ തന്‍റെ കുടുംബാംഗങ്ങളെയും വിശ്വാസികളായ പുരുഷന്മാരെയും സ്ത്രീകളെയും തന്‍റെ പ്രാര്‍ത്ഥനയില്‍ ഉള്‍പ്പെടുത്തുന്നതാണ്. 3: 79-80; 7: 205-206; 9: 71-72; 27: 26 വിശദീകരണം നോക്കുക.