അവന്‍ പറഞ്ഞു: എന്‍റെയും നിന്‍റെയുമിടയിലുള്ള വേര്‍പിരിയലാകുന്നു ഇത്, ഏതൊരു കാര്യത്തിലാണോ നിനക്ക് ക്ഷമിച്ചിരിക്കാന്‍ കഴിയാത്തത് അതിനെക്കുറിച്ചുള്ള യഥാര്‍ത്ഥ വൃത്താന്തം ഞാന്‍ നിനക്ക് വിവരിച്ചുതരികതന്നെ ചെയ്യും.
യഥാര്‍ത്ഥ വൃത്താന്തം (തഅ്വീല്‍) എന്നാല്‍ തത്വം, ഭാവിപ്രവചനം, വിശദീകരണം) എന്നെല്ലാം ആശയമുണ്ട്. വേദഗ്രന്ഥത്തിന്‍റെ ഏറ്റവും നല്ല വിശദീകര ണമായ അദ്ദിക്ര്‍ ത്രികാലജ്ഞാനിയായ നാഥനില്‍ നിന്നുള്ള ത്രികാലജ്ഞാനമാണ്. എന്നാല്‍ അതിനെ വിസ്മരിച്ച ഈ കെട്ടജനത അതിനെ മൂടിവെക്കുന്ന വരും തള്ളിപ്പറയുന്നവരുമായതിനാല്‍ 7: 53 ല്‍ പറഞ്ഞ പ്രകാരം അതിന്‍റെ ഭാവിപ്രവചനങ്ങള്‍ പുലരുന്ന നാളില്‍ 'നിശ്ചയം ഞങ്ങളുടെ നാഥന്‍റെ പ്രവാചകന്‍മാര്‍ സത്യവും കൊണ്ട് വന്നവര്‍ തന്നെയായിരുന്നു, അപ്പോള്‍ നമുക്ക് ശുപാര്‍ശക്കാരില്‍ നിന്നുള്ള വല്ലവരുമുണ്ടോ, അങ്ങനെ അവര്‍ നമുക്കുവേണ്ടി ശുപാര്‍ശ ചെയ്യാന്‍; അല്ലെങ്കില്‍ നമ്മെ തിരിച്ചയക്കുമോ? അങ്ങനെ നാം പ്രവര്‍ത്തിച്ചുകൊണ്ടിരുന്നതല്ലാത്തത് പ്രവര്‍ത്തിക്കുന്നതിന് വേ ണ്ടി' എന്ന് കേഴുന്നതാണ്.