അഴുക്കുകള്‍ ദൂരീകരിക്കുക എന്ന് പറഞ്ഞതില്‍ തലമുടി കളയുക, അല്ലെങ്കില്‍ വെട്ടുക, നഖം മുറിക്കുക, കുളിച്ച് വൃത്തിയാവുക എന്നെല്ലാം ഉള്‍ക്കൊ ള്ളുന്നുണ്ട്. കൂടാതെ ഇഹ്റാമിന്‍റെ വസ്ത്രങ്ങള്‍ മാറ്റി വൃത്തിയുള്ളത് ധരിക്കുക എന്നും ആശയമുണ്ട്. നേര്‍ച്ചകള്‍ നിറവേറ്റുക എന്ന് പറഞ്ഞതില്‍ ബലി മൃഗങ്ങളെ നേര്‍ച്ചയായി അറുത്ത് മാംസം ദരിദ്രര്‍ക്ക് നല്‍കാനും മറ്റും നേര്‍ച്ചയാക്കിയിട്ടുണ്ടെങ്കില്‍ അത് പൂര്‍ത്തിയാക്കുക എന്നാണ്. അതിപുരാതന ഗേഹത്തെ പ്രദക്ഷിണം വെക്കുക എന്ന് പറഞ്ഞത് മീനായില്‍ നിന്ന് മക്കയില്‍ തിരിച്ചുവന്ന ശേഷം ഹജ്ജിന്‍റെ ഭാഗമായിക്കൊണ്ടുള്ള കഅ്ബ പ്രദക്ഷി ണം വെക്കലും സഫാ-മര്‍വ കുന്നുകള്‍ക്കിടയിലുള്ള നടത്തവുമാണ്. 3: 96-97 വിശദീകരണം നോക്കുക.