ജിവിതം അല്ലാഹുവിന് ചുറ്റും കറങ്ങുന്നതിനെ അനുസ്മരിച്ചുകൊണ്ട് കഅ്ബയെ ഏഴുപ്രാവശ്യം പ്രദക്ഷിണം ചെയ്യല്‍, സഫാ-മര്‍വാ കുന്നുകള്‍ക്കിട യില്‍ ഹാജറ വെള്ളം അന്വേഷിച്ച് ഓടിയതിനെ അനുസ്മരിച്ചുകൊണ്ട് ഏഴുപ്രാവശ്യം നടക്കല്‍, വിചാരണാദിനത്തെ അനുസ്മരിച്ചുകൊണ്ട് ദുല്‍ഹജ്ജ് 9-ാം ദിവസം നടക്കുന്ന അറഫാ സംഗമത്തില്‍ നില്‍ക്കല്‍, പിശാചിനെ ജീവിതരംഗങ്ങളില്‍ നിന്നെല്ലാം എറിഞ്ഞോടിക്കുന്നതിനെ അനുസ്മരിച്ചുകൊ ണ്ടുള്ള മീനായിലെ ജംറഃകളിലുള്ള കല്ലേറ്, അല്ലാഹു നല്‍കിയ അനുഗ്രഹങ്ങളില്‍ നിന്നും തനിക്കേറ്റവും പ്രിയപ്പെട്ടതെന്തും അല്ലാഹുവിന്‍റെ പ്രീതിക്കു വേണ്ടി നല്‍കാനും ത്യജിക്കാനും തയ്യാറാണെന്ന് കാണിക്കുന്ന ബലികര്‍മ്മം തുടങ്ങിയ ഹജ്ജിന്‍റെ കര്‍മങ്ങളെല്ലാം തന്നെ പഠിപ്പിക്കുന്നത് ജാതി മത ദേശ ഭാഷാ വര്‍ണ ലിംഗഭേദമന്യേ മനുഷ്യരുടെയെല്ലാം ജീവിതലക്ഷ്യം ഒന്നാണെന്നും, അവര്‍ ഐഹികലോകത്ത് പതിനഞ്ച് വയസ്സിന് ശേഷമുള്ള ജീവിതം നയിക്കേണ്ടത് അല്ലാഹുവിനെ എപ്പോഴും ഹൃദയത്തില്‍ സ്മരിച്ചുകൊണ്ടും പിശാചിനെ പൂര്‍ണ്ണമായി അകറ്റിക്കൊണ്ടുമായിരിക്കണം എന്നുമാണ്. അതി നാലാണ് ഹജ്ജിന്‍റെ കര്‍മ്മങ്ങളെ ഉപകാരപ്രദമായ രംഗങ്ങള്‍ എന്ന് പറഞ്ഞത്. എന്നാല്‍ ഇന്ന് ഹജ്ജ് നിര്‍വഹിക്കുന്ന കപടവിശ്വാസികളും അവരുടെ അനുയായികളുമടങ്ങിയ ഫുജ്ജാറുകള്‍ ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്റിനെ മൂടിവെക്കുകയും തള്ളിപ്പറയുകയും ചെ യ്തുകൊണ്ട് 18: 103-106 സൂക്തങ്ങളില്‍ വിവരിച്ച പ്രകാരം അവരുടെ പ്രവര്‍ത്തനങ്ങളെല്ലാം പാഴാക്കിക്കളഞ്ഞവരാണ്. 

ഹജ്ജ് വേളയിലെ ബലിമൃഗങ്ങളെ അറുക്കുന്നതിനെക്കുറിച്ചാണ് അറിയപ്പെട്ട നാളുകളില്‍ അവയുടെമേല്‍ അല്ലാഹുവിന്‍റെ നാമം സ്മരിക്കുക എന്ന് പറ ഞ്ഞിട്ടുള്ളത്. 2: 62; 9: 53-55, 84-85, 95, 125 വിശദീകരണം നോക്കുക.