മനുഷ്യരുടെ പുനര്‍ജന്മനാള്‍ വരെയാണ് ഇബ്ലീസ് സമയം ചോദിച്ചതെങ്കിലും സമയം നിര്‍ണ്ണയിക്കപ്പെട്ട ഒരുനാള്‍ വരെയാണ് അല്ലാഹു അവന് അവസരം നല്‍കിയത്. അഥവാ പിശാച് മനുഷ്യരൂപം പൂണ്ട് മസീഹുദ്ദജ്ജാലായി വരികയും ശേഷം ഈസാ വന്ന് അവനെ വധിക്കുകയും ചെയ്യുന്ന നാളാണ് സമയം നിര്‍ണ്ണയിക്കപ്പെട്ട ആ നാള്‍. അതിന് ശേഷം പിശാചിന് അവസരമില്ല, അതുകൊണ്ടുതന്നെ പരീക്ഷണങ്ങളോ വഴികേടോ ലൈംഗികബന്ധങ്ങളോ കുറ്റകൃത്യങ്ങളോ ഒന്നും തന്നെ ഉണ്ടാവുകയില്ല. അന്ന് ഭൂമുഖത്തുള്ളവര്‍ എല്ലാവരും 43: 60-61 സൂക്തങ്ങളില്‍ പറഞ്ഞ പ്രകാരം മലക്കുകളുടെ സ്വഭാവമു ള്ളവരായി മാറുന്നതാണ്. 7: 15; 38: 78-81 വിശദീകരണം നോക്കുക.