'അവര്‍ രണ്ടുപേരും അതില്‍ നിന്ന് തിന്നു' എന്ന് പറഞ്ഞാല്‍ സ്വര്‍ഗ്ഗത്തില്‍ വിലക്കപ്പെട്ട ലൈംഗികബന്ധം ആസ്വദിച്ചു എന്നാണ്. അല്ലാഹുവിന്‍റെ കല്‍ പന ധിക്കരിച്ചുകൊണ്ട് അല്ലാഹുവിനെ മറന്ന് ലൈംഗികബന്ധത്തില്‍ ഏര്‍പ്പെടാന്‍ അവരെ തോന്നിപ്പിച്ചത് പിശാചാണ്. അപ്പോഴാണ് അവര്‍ക്ക് അവര്‍ ഇരുവരുടെയും ലൈംഗികാവയവങ്ങള്‍ വെളിപ്പെട്ടതും അവര്‍ സ്വര്‍ഗ്ഗത്തില്‍ നിന്ന് പുറത്താക്കപ്പെട്ടതും. സ്വര്‍ഗ്ഗത്തില്‍ വെച്ച് ഗ്രന്ഥം പഠിപ്പിക്കുകയും പിശാച് നിനക്ക് ശത്രുവാണെന്ന് മുന്നറിയിപ്പ് നല്‍കുകയും ചെയ്തശേഷം ഉടനെത്തന്നെ ആദം അത് മറന്നു പ്രവര്‍ത്തിച്ചതുകൊണ്ടാണ് 'നാം അവനെ നി ശ്ചയദാര്‍ഢ്യമുള്ളവനായി കണ്ടതുമില്ല' എന്ന് സൂക്തം 115 ല്‍ പറഞ്ഞത്. ആദം തന്‍റെ നാഥനെ ധിക്കരിക്കുകയും അങ്ങനെ ലക്ഷ്യബോധം നഷ്ടപ്പെട്ടവ നാ(ഗ്വാവീന്‍)വുകയും ചെയ്തു എന്ന് പറഞ്ഞതും അതുകൊണ്ടാണ്.

ഭൂമിയില്‍ നിയോഗിക്കപ്പെട്ട മനുഷ്യരുടെ ജീവിതലക്ഷ്യം സ്രഷ്ടാവിനെ കണ്ടെത്തുക എന്നതാണ്. ആരാണോ സന്മാര്‍ഗ്ഗമായ അദ്ദിക്റില്‍ നിന്ന് പ്രസ്തുത ലക്ഷ്യം മനസ്സിലാക്കിക്കൊണ്ട് അല്ലാഹുവിന്‍റെ തൃപ്തിയില്‍ ഇണചേരുന്നത്, അവര്‍ മാത്രമാണ് സ്വര്‍ഗ്ഗത്തിലേക്കുതന്നെ തിരിച്ചുപോകുക. അറബി ഖുര്‍ ആന്‍ വായിക്കുന്ന ഫുജ്ജാറുകളെല്ലാംതന്നെ ഇവിടെ ലൈംഗിക അരാചകത്വത്തില്‍ ആപതിക്കുകയും പിശാചിന്‍റെ കെണിയില്‍ പെട്ട് സൂചികുത്താന്‍ പോലും സ്ഥലമില്ലാത്തവിധം ജിന്നുകളെക്കൊണ്ടും മനുഷ്യരെക്കൊണ്ടും കുത്തിനിറക്കപ്പെടുന്ന പിശാചിന്‍റെ വീടായ നരകക്കുണ്ഠത്തില്‍ ലൈംഗികാവ യവങ്ങളില്‍ പരസ്പരം കോര്‍ക്കപ്പെട്ടുകൊണ്ട് ഒരുമിച്ചുകൂട്ടപ്പെടുന്നതുമാണ്. 2: 35-36; 7: 26, 179, 205 വിശദീകരണം നോക്കുക.