ഭൂമിയുടെമേല്‍ ആണിയെന്നോണം നാട്ടിയിരിക്കുന്ന പര്‍വ്വതങ്ങളെ അതിന്‍റെ സ്ഥാനത്തുനിന്ന് ഇളക്കി മാറ്റി അതിന്‍റേതല്ലാത്ത സ്ഥാനങ്ങളായ വയലുക ളിലും ജലാശയങ്ങളിലും നിക്ഷേപിച്ച് കെട്ടിടങ്ങളും മറ്റും നിര്‍മ്മിച്ച് പ്രപഞ്ചത്തിന്‍റെ സന്തുലനം നഷ്ടപ്പെടുത്തുന്ന പ്രവര്‍ത്തനങ്ങളിലാണ് മനുഷ്യര്‍ ഇന്ന് ഏര്‍പ്പെട്ടുകൊണ്ടിരിക്കുന്നത്. അങ്ങനെ അവരുടെ കൈകള്‍ പ്രവര്‍ത്തിച്ചതിന്‍റെ ഫലമായിട്ട് തന്നെയാണ് ശുദ്ധജലത്തിന്‍റെ ലഭ്യത കുറഞ്ഞ് വരുന്നതും ഭൂമിയില്‍ ജീവിതം ദുഃസ്സഹമായി വരുന്നതും. പ്രപഞ്ചത്തിന്‍റെ ഒരു ഘടകമായ ഭൂമിയുടെ നാശം പ്രപഞ്ചത്തിന്‍റെ മൊത്തം നാശത്തിന് വഴിവെക്കുന്നതാ ണ്. അങ്ങനെയാണ് മനുഷ്യര്‍ പ്രപഞ്ചത്തെ നശിപ്പിക്കുന്നവരാകുന്നത്. ഗ്രന്ഥത്തിന്‍റെ വിധിവിലക്കുകള്‍ക്ക് നേരെ വിരുദ്ധമായി പ്രവര്‍ത്തിക്കുകവഴി യാണ് മനുഷ്യര്‍ അക്രമികളും തെമ്മാടികളുമായി മാറുന്നത്. 16: 15-16; 30: 41; 48: 6 വിശദീകരണം നോക്കുക.