മുഹമ്മദിന്‍റെ നാവിലേക്ക് എന്ന് പറയാതെ ഹൃദയത്തിലേക്ക് എന്ന് പറയാന്‍ കാരണം പ്രവാചകന് ഇറക്കികൊടുത്തത് ഗ്രന്ഥത്തിന്‍റെ ശരീരമല്ല, മറിച്ച് ആത്മാവായ അദ്ദിക്ര്‍ ആണ് എന്നതിനാലാണ്. 2: 1 ല്‍ വിവരിച്ച പ്രകാരം ഗ്രന്ഥം അവതരിപ്പിക്കപ്പെട്ടത് പ്രപഞ്ചനാഥനായ അല്ലാഹുവില്‍ നിന്നാണ് എന്നതില്‍ നിന്നും 'അലിഫ്' അല്ലാഹുവിനെയും; അതും കൊണ്ട് ഇറങ്ങിയത് വിശ്വസ്തനായ റൂഹ് (ജീബ്രീല്‍) ആകുന്നു എന്നതില്‍ നിന്നും 'ലാം' ജിബ്രീലിനെയും; നിന്‍റെ ഹൃദയത്തിലേക്ക് അത് ഇറക്കിയത് അത് കൊണ്ട് നീ മുന്നറിയിപ്പ് നല്‍കുന്നതിന് വേണ്ടിയുമാണ് എന്ന് പറഞ്ഞതില്‍ നിന്നും 'മീം' മുഹമ്മദിനെയും സൂചിപ്പിക്കുന്നു. അഥവാ അല്ലാഹുവില്‍ നിന്ന് ജിബ്രീല്‍ മുഖേന പ്രവാചകന്‍ മുഹമ്മദിന് അവതരിപ്പിക്കപ്പെട്ട ഗ്രന്ഥം എന്ന് സാ രം. 15: 6, 9; 16: 43-44 വിശദീകരണം നോക്കുക.