'വചനം' കൊണ്ട് ഉദ്ദേശിക്കുന്നത് അന്ത്യമണിക്കൂറാണ്. 'ദാബ്ബത്തുല്‍ അര്‍ള്'-ഭൂമിയില്‍ നിന്നുള്ള ഒരു മൃഗം- പുറപ്പെടല്‍ അന്ത്യനാളിന്‍റെ പ്രധാനപ്പെട്ട പത്ത് അടയാളങ്ങളില്‍ ഒന്നാണ്. സമൂദ് ജനതയ്ക്ക് നല്‍കിയ ഒട്ടകത്തെപ്പോലെത്തന്നെ പ്രസവിക്കപ്പെട്ട് ഉണ്ടാകുന്നതല്ല ഈ മൃഗവും. മനുഷ്യര്‍ 'അല്ലാഹുവിന്‍റെ' സൂക്തങ്ങള്‍ കൊണ്ട് വിശ്വസിക്കുന്നില്ല എന്നല്ല, മറിച്ച് 'നമ്മുടെ' സൂക്തങ്ങള്‍ കൊണ്ട് ദൃഢബോധ്യമുള്ളവരായിരുന്നില്ല എന്നാണ് മൃഗം വന്നുപറയുന്നത്. അതില്‍ നിന്നും പ്രസ്തുത മൃഗം സംസാരിക്കുന്നത് അല്ലാഹുവിനുവേണ്ടിയാണ് എന്ന് മനസ്സിലാക്കാം.'ദൃഢബോധ്യ മുള്ളവരയിരുന്നില്ല' എന്ന് പറഞ്ഞതില്‍ നിന്നും വിചാരണയില്ലാതെ സ്വര്‍ഗത്തില്‍ പോകുന്ന ദൃഢബോധ്യമുള്ള ഒരു വിശ്വാസിയെങ്കിലും ജീവിച്ചിരിക്കുന്ന കാലത്തോളം ആ മൃഗം വരികയില്ല എന്നും മനസ്സിലാക്കാം. 2: 4; 32: 12, 24; 45: 20 വിശദീകരണം നോക്കുക.