മൂസാ പ്രാര്‍ത്ഥിക്കുകയും ചെയ്തു: ഞങ്ങളുടെ നാഥാ, നിശ്ചയം നീ ഫിര്‍ഔനിനും അവന്‍റെ പ്രഭൃതികള്‍ക്കും ഭൗതികജീവിതത്തില്‍ അലങ്കാരവും സമ്പ ത്തും നല്‍കിയിരിക്കുന്നുവല്ലോ; ഞങ്ങളുടെ നാഥാ! അവര്‍ ജനങ്ങളെ നിന്‍റെ മാര്‍ഗത്തെത്തൊട്ട് വ്യതിചലിപ്പിക്കുന്നതിനുവേണ്ടിയാണോ അത് നല്‍കിയിട്ടുള്ളത്? ഞങ്ങളുടെ നാഥാ! അവരുടെ സമ്പത്തെല്ലാം തുടച്ചുകളയുകയും വേദനാജനകമായ ശിക്ഷ കാണുന്നതുവരെ വിശ്വസിക്കാതിരിക്ക ത്തക്കവിധം അവരുടെ ഹൃദയങ്ങള്‍ നീ കഠിനമാക്കുകയും ചെയ്യേണമേ!
മൂസായെ ഫിര്‍ഔനിലേക്കും അവന്‍റെ പ്രഭൃതികളിലേക്കും പ്രവാചകനായി നിയോഗിച്ചുകൊണ്ട് 79: 17-19 പ്രകാരം അല്ലാഹു പറഞ്ഞു: നീ ഫിര്‍ഔനിലേ ക്ക് പോവുക, നിശ്ചയം അവന്‍ ധിക്കാരിയായിരിക്കുന്നു; അവനോട് ചോദിക്കുക: നീ വിശുദ്ധി കൈകൊള്ളാന്‍ സന്നദ്ധനാണോ? ഞാന്‍ നിന്നെ നിന്‍റെ നാഥനിലേക്ക് മാര്‍ഗദര്‍ശനം ചെയ്യാം, അപ്പോള്‍ നീ അല്ലാഹുവിനെ ഭയപ്പെടുന്നവനാവുക. അല്ലാഹുവില്‍ നിന്നുള്ള സന്ദേശം വ്യക്തമായി വന്നുകിട്ടുക യും അവനില്‍ നിന്നുള്ള ദൃഷ്ടാന്തങ്ങള്‍ കാണുകയും ചെയ്തശേഷം ഫിര്‍ഔനും അവന്‍റെ പ്രമാണിമാരും സത്യമെല്ലാം അറിഞ്ഞിട്ട് മൂടിവെക്കുന്ന ധിക്കാ രികളും നാശകാരികളുമായി മാറിയപ്പോഴാണ് ഈ സൂക്തത്തില്‍ പറഞ്ഞ പ്രകാരം മൂസായെക്കൊണ്ട് പ്രാര്‍ത്ഥിപ്പിച്ച് അല്ലാഹു ശിക്ഷ നടപ്പിലാക്കുന്നത്. നാഥന്‍റെ സന്ദേശമായ അദ്ദിക്റിനെ മൂടിവെച്ചുകൊണ്ടും തള്ളിപ്പറഞ്ഞുകൊണ്ടും അക്രമികളും ഭ്രാന്തന്മാരും ധിക്കാരികളും തെമ്മാടികളും നാശകാരികളുമായി മാറുമ്പോഴല്ലാതെ ഒരു നാടിനെയും അല്ലാഹു നശിപ്പിക്കുകയില്ല. 2: 61, 74; 9: 80-82; 10: 75 വിശദീകരണം നോക്കുക.